وصفات رمضانية لمعجنات رمضان بالصور-معجنات واكلات رمضانية 2017-اكلات رمضانية جديدة 2017
مرحبا بكم فى مطبخ فتكات طبعا انتو عارفين خلاص رمضان على الابواب وانا الصراحه حماتى دبسيتنى فى عزومه تانى يوم رمضان وانا خايبه خالص وجيت استنجد بالشيفه فوتكات عشان تقولى اعمل ايه وتعلمنى اعمل احلى الاكلات والمعجنات الرمضانية المصريه وكمان المغربيه والكويتيه وكمان الحلويات الرمضانيه اللذيذه اللى بتغرينا كلنا الروعه دى
تعالو بقى يابنات وشفوفوا الشيفه فتكات وهى بتعلمنى طريقة عمل البيتزا الجبن “المارجريتا”
تعالو نشوف المقادير
كوب دقيق
كوب زيت
كيس خميره فوريه
بيضتين
ربع كيلو فلفل اخضر
ربع زيتون اسود
نص كيلو طماطم
جبنه موزاريلا
كاتشب
تعالو بقى يابنات ركزو وشوفوا معايا طريقة التحضير
اول حاجه هنعملها هى عجينة البيتزا
هنجيب كل مكونات العجينه اللى هنعملها زى ماهيبان قدامكم دلوقتى
هنجيب اناء فارغ ونضيف ليه الدقيق ومعاه الزيت ونقلب كويس زى ماهتشوفوا فى الصوره دلوقتى
وبعد كده هنضيف ليهم البيضتين ومعلقة الملح كده
ونقلب كويس جدا ونمزج الخليط مع بعض وبعدين نضيف كيس الخميره الفوريه او معلقة خميره بيرا زى ما فى الصوره كده
ونمزج الخليط كله ببعضه لحد ماهيدينا النتيجه اللى هتشفوها دلوقتى
وهنسيب العجينه ربع ساعه عشان تخمر كويس جدا
وبكده تكون خمرة تمام وهنقسم العجينه لقطع زى ماهتشوفو دلوقتى
ونضيف شوية دقيق فى الصينيه ونبتدى نفرد العجينه فى الصينيه كده
وبعدين نبتدى نضيف بقى الكاتشب على وش العجينه ولو مفيش كاتشب ممكن صلصله عاديه جدا
وبعد كده هنجيب الفلفل
وهنبتدى نقطعه حلقات ونضيفه فوق الكاتشب ونزين بقى العجينه وبعد كده نجيب الزيتون المخلى
وهنقطعه حلقات بالشكل ده
ونضيفه للبيتزا وبعد كده نجيب الطماطم ونقطعها قطع صغيره كده
ونضيفها على وش العجينه وبعد كده نجيب كيس الجبنه الموزاريلا
ونضيفه على وش العجينه فوق كل اللى ضيفنا هيبقى شكل صينية البيتزا بالشكل ده
وبعد كده ندخلها الفرن فى حراره متوسطه لمدة 15 دقيقه بالظبط ونخرجها هتكون استوت وبقيت بالروعه اللى هتشوفوها دلوقتى دى
وبكده الشيفه فتكات علمتنا طريقة البيتزا من اول خطوه لاخر خطوه بشكرك يافتوكات جدا وتسلم ايديكى
تعالو بقى معايا نشوف الشيفه فتكات ومعاها عدلات وهما بيعملوا احلى حواوشى فى الدنيا كلها
المقادير
كيلو لحمه مفرومه
خبز بلدى
كيلو بصل
بهرات (فلفل اسود -ملح-شطه)
معلقة زبده
تعالو بقى يااحلى بنات نركز كويس فى طريقة فتكات فى تحضير الحواوشى
هنجيب اللحمه المفرومه دى
وهنجيب البصل ونقطعه قطع صغيره كده
وهنبتدى نضيف البصل على اللحمه المفرومه ونتبل اللحمه كويس كده نخلطهم كويس جدا ببعض لحد مايدو النتيجه دى
وبعد كده هنضيف التوابل معلقة ملح ومعلقة فلفل اسود ومعلقة شطه وكمان توابل اللحمه
وبعد كده هنجيب معلقة الزبده فى الصينيه ونفردها فيه كويس
ونجيب العيش البلدى ونقسم الرغيف نصين ونبتدى نحشى الرغيف لحمه مفرومه من اللى تبلناها ونرص فى الصينيه كويس وبعد كده نلفها بالورق الفويل ونحطها فى الفرن لمدة 15 دقيقه هيخرجلنا بالشكل الرائع ده
وبكده بقى بالهنا والشفا لاحلى البنات واهو عرفنا ازاى نعمل الحواوشى اللذيذ ده وبطرقه بسيطه وسهله وكمان سريعة
كانت معكم ندى عادل
يمكنكم متابعتنا على اللينكات التاليه فى قسم وصفات الطبخ بمطبخ فتكات
التعليق
يجب أنت تكون مسجل الدخول لتضيف تعليقاً.