وصفات رمضانية سهله بالصور 2016-وصفات اطباق رمضانيه وموائد رمضانيه جديده بالصور -اطباق مغربيه ومصريه رمضانيه-وصفات رمضان واكلات رمضانيه جديده
مرحبا بكم فى مطبخ فتكات انهارده فاضل كم يوم على رمضان يابنات وعندى عزومه كبيرة تالت يوم رمضان احمد جوزى فى الشغل وعامل عزومة لصحابة وانا يافتوكات محتاره مش عارفه اعمل ايه عايزه اعمل طبخة سريعه وسهله وحضر مائدة رمضان سواء بالطريقة المصرية او السعودية او الكويتية وكمان يابنات انا خيبه خالص مش عارفه اعمل حلويات رمضانية باردة فسالت عدلات دلتنى على منتدى فتكات دلوقتى يابنات عايزه اتعلم طريقة عمل مكرونة بالبشاميل
الشيفه فتكات هتعلمنى اعمل المكرونه البشاميل ازاى وتعالو نشوف معاها المقادير
المقادير يابنات ركزو معايا
2كيس مكرونه اقلام
نص كيلو دقيق
كيلو لحمه مفرومه
كيلو بصل
كيلو طماطم
3معالق زبده
ربع كيلو فلفل
معلقة ونص ملح
معلقتين فلفل اسود مطحون
علبة لبن
معلقتين زيت
تعالو نشوف مع فتكات طريقة تحضير المكرونه
الباشاميل
اول حاجه يابنات هنجيب حله ونملى نصها مايه ونحط فيها معلقة ملح ومعلقتين زيت ونسيبها تغلى شويه وبعد كده نسقط كيسين المكرونه عشان تتسلق وطبعا فى بنات هتسالنى حطيتى فى ماية سليق المكرونه معلقتين زيت ليه هرد اقولوكا عشان المكرونه تتسلق وتبقى بتلمع ومفلفله ومتعجنش ويبقى شكلها كده زى ماهتشوفوا فى الصوره دى
كده خلصنا سليق المكرونه هنغسلها كويس من النشا ونسيبها فى المصفى عشان تنشف من كل المايه اللى فيها ونسيبها بقى و هنجيب بقى اللحمه المفرومه
ونجيب كيلو البصل ونبشره زى مافى الصوره الجايه
وهنجيب طاسه ونحط فيها معلقة الزبده زى ماهو باين قدامك فى الصوره دى
وهنسخن الطاسه على نار هاديه ونسيح الزبده وبعدين نسقط البصل المبشور ونشوحه شويه زى ماهو باين قدامكم كده
وبعد كده نجيب ربع كيلو الفلف وياريت يكون ملون عشان الوانه كده فى الاكل تفتح النفس زى كده
هنقطع الفلفل مكعبات صغيره بالسكينه يابنات زى ماهوريكو كده فى الصوره الجاية دى
كده بقى نسقط الفلفل على البصل فى الطاسه ونقلب كويس لحد مايدبل كده شويه وخلى بالكم على نار هاديه عشان مايتحرقش وبعد كده هنسقط اللحمه المفرومه عليهم ونقلب كويس عشان يابنات الفلفل والبصل يخطلطو مع اللحمه كويس جدا زى فى الصوره الجايه دى
وبعد كده هنجيب كيلو الطماطم الفريش بتعنا ده
ونغسلها كويس ونضربها فى الخلاط ونصفيها تبقى بالشكل ده
بعد كده هنسقطها على اللحمه ونسيبها تتعسج مع اللحمه براحتها ونضيف البهارات والتوابل الملح والفلفل الاسود المطحون وشوية شطه عشان طعم الاكل يحلو
ونسيبها على نار هاديه ربع ساعه تتسبق كده عسجنا اللحمه خلاص وبقيت جاهزه تعالو بقى نروح نعمل سوا طريقة كريمة البشاميل
هنجيب طاسه ونحط معلقة زبده وبعدين نحط الدقيق تدريجيا ونقلب كويس اوى عشان مايكلكعش مننا يابنات زى كده
هنفتح علبة اللبن وناخد منها مج لبن ونبتدى نضيفه تدريجيا للدقيق والزبده مع استمرار التقليب
وبعد مانوصل للشكل اللى احنا عايزينه هنضيف ليه معلقة ملح ومعلقة فلفل اسود ونطفى عليه بقى ونسيبه يبرد خالص هيبقى بالشكل ده زى ماهتشوفوا دلوقتى فى الصوره دى
وبعد مانتاكد ان البشاميل برد تماما هنجيب 3بيضات
هناخد منهم 3 بيضات ونحطهم فى طبق ونربهم كويس وشوية فلفل اسود ونقلبهم كويس بمضرب اليدوى زى هتشوفوا دلوقتى
هنضفهم بقى على البشاميل بعد مانتاكد انها بردت تماما ركزو يابنات عشان لو ضيفتوا البيض والبشاميل سخن هيتقلى تجنبوه كده لازم يكون برد هنقلب البيض كويس البشاميل هيبقى بالشكل ده
هنبتدى بقى نجهز الصينية وندهنها زبده عشان المكرونه ماتلزقش مننا يابنوتات ونجيب بقى المكرونه ونعمل طبقة مكرونه فى الصينيه وفيها طبقة لحمه مفرومه بالشكل اللى هيظهر قدامكم فى الصوره كده
وكمان طبقة مكرونه تانى وبعد كده نضيف بقى البشاميل على الوش وندخلها الفرن ونسيبها ساعه الاربع بالظبط فى درجة حراره متوسطه وبعدين نولع الشوايه عشر دقايق بعد ما المكرونه نستوى عشان نحمر الوش كويس وتبقى صينة البشاميل بالشكل الرائع ده
وبكده خلصنا المكرونه وبشكر الشيفه فتكات اللى انقزتنى ووقفت معايا فى عزومتى وبالهنا والشفا يابنات
تعالو بقى يابنات نشوف الشيفه فتكات هتعلما نعمل المسقعه باللحمه المفرومه ازاى
اولا المقادير
كيلو لحمه مفرومه
كيلو فلفل اخضر
كيلو بطاطس
كيلو بازنجان رومى
كيلو طماطم
نص كيلو بصل
ازازة زيت
معلقة شطه
معلقة فلفل اسود
معلق ملح كبيرة
معلقة زبده
فصين ثوم
تعالو بقى ركزو كويس اوى فى طريقة التحضير للمسقعه باللحمه المفرومه
اول حاجه هنعملها يابنات هنجيب البازنجان ونغسله كويس ونقشره ونقطعه مكعبات زى ماهتشوفو فى الصوره
بعد ماقطعنا هناخده بقى نحطفى مصفى ونحط عليه معلقة ملح ونسيبه يصفى مايته شويه زى ماهيبان قدامكم فى الصوره دلوقتى
وبعد مايصفى مايته خالص نقليه فى زيت غزير ونصفيه من الزيت ونركنه بقى كده شويه وناخد الفلف نغسله كويس كده
ونقطعه باردو مكعبات ونقليه فى كمية زيت غزيره زى كده
وبكده هنكون سوينا الفلفل والبازنجان بالشكل ده
بعد كده هنجيب البطاطس ونغسلها كويس ونقشرها ونقطعها مكعبات زى كده
وباردو نقليها ونركنها وفى بنات هتقولى ان فى ناس بتعمل المسقعه بالبازنجان والفلفل واللحمه بس من غير بطاطس هقولكم عادى اللى بيحب البطاطس يضيفها واللى مش عايز ليه مطلق الحريه
بعد كده بقى يابنوتات نجيب كيلو اللحمه المفرومه ده
ونجيب كيلو الطماطم الفريش الطازه ده
ونضرب الطماطم فى الخلاط عشان نبتدى نعسج اللحمه ونجيب طاسه ونضيف عيها معلقة زبده من مكعب الزبده الصفرا ده
ونجيب البصل ونقطعه حلقات كده بالشكل ده
ونشوح البصله فى الزبده وبعدين نضيف عصير الطماطم عليها ونضيف ملح وفلفل اسود وشوية شطه بسيطه ونسيبها تتسبق على نار هاديه وتبقى بالشكل ده
بعد ماسبقنا الطماطم خلاص نجيب بقى طاسه ومعلقة زبده ونضيف اللحمه عليها ونشوحها بالشكل ده مع شوية فلفل اسود يابنات ماتنسوش
وبعد ماشوحنا اللحمه خلاص واستوت هنضيفها بقى على التسيبقه بالشكل اللى هيبان قدامكم ده
ونسيبها على نار هاديه عشر دقايق تاخد اللحمه طعم التسبيقه الجميل ويمتزجوا مع بعض لحد مايبقو بالشكل ده
كده خلاص سبيقنا اللحمه سوه يابنوتات تعالو بقى نجيب الصينيه بتاعتنا وندهنها شوية زيت ونجهزها ونرص فيها البازنجان والفلفل المقلى والبطاطس وفوقيهم نضيف اللحمه المفرومه المتسبقه وبعد كده نزين الصينيه بحلقات طماطم شكلها لزيز وشوية بقدونس وتبقى بالمنظر ده وممكن نضيفلها على الوش معلقة باشميل هتبقى روعه ياقمرات
ونحطها بقى فى الفرن لمدة ربع ساعه بس وبعد كده هنطلعها وهنلاقيها بالجمال اللى هتشوفوه ده
وبكده الشيفه فتكات خلصت المسقعه باللحمه المفرومه عشان خاطر احلى البنات والبهنا والشفا ياقمرات
يمكنكم متابعة المزيد من المقالات التاليه
كانت معكم ندى عادل
التعليق
يجب أنت تكون مسجل الدخول لتضيف تعليقاً.