اخر الاخبار
كل سنة و كل متابعي و محبي موقع فتكات بخير رمضان قرب خلاص و العد التنازلي بدأ و كل الستات الشاطرين ديما بيحاولوا انهم يستعدوا للشهر الكريم و بشكل سريع علشان تبقي جاهزة و متحضرة من كلة و بكدة هتلاقي وقت مناسب للطاعة و العبادة ، و كلنا عارفين طبعا ان رمضان هو شهر اللمة و شهر العزومات و الكل ديما بيحب يعزم حبايبة و قرايبة و يتجمعوا كلهم علي سفرة واحده و الكل بيبقي مبسوط و فرحان باللمة دي ، و طبعا اكتر حد بيبقي محتاس و بيبقي ديما مشغول هي ست البيت ديما بتحتار يا ترى هتعمل ايه في العزومات دي يا تري هتأكل العيلة اية في رمضان ، و عشان كده لازم كل ست بيت شاطرة تحضر ورقة و قلم و تكتب لها كام وصفة سهلة و سريعة تقدر تعملهم يا اما في الايام العادية في رمضان او في ايام العزومات ، و عشان كل ستات و حبايب فتكات ديما بيبقوا احسن و اشطر ستات هنقدم ليكم مجموعة من الاكلات السهلة و السريعة اللي تقدري تعمليها و تطبخيها بسهولة في مطبخك و من غير اي مجهود زايد او ضغط ، و كمان عشان البنوتات اللي لسة متجوزين جداد و لسة بيتعلموا ازاي يطبخو يالا ورقة و قلم و تابعي معايا الاكلات اللي جاية .
شاورما الفراخ
الشاورما من اكتر الوصفات السهلة و كمان بيحبها الكبار و الصغار و ديما بيطلبوها يالا بينا نبدأ بالمقادير و نقول بسم الله
كيلو من صدور الفراخ تقدري تشترية من بياعة الفراخ صدور لوحدها او ممكن تشتري الفراخ و تخلي الصدر و تقطعية شرايح كل واحدة و إمكانياتها
اكلات سهلة وسريعة لفطور رمضان 2017
بصلة وسط كده و قطعيها جوانح
اكلات سهلة وسريعة لفطور رمضان 2017
طماطماية واحدة كبيرة و شيلي قلبها و خلي اللحم بس و قطعيها هي كمان شرايح
اكلات سهلة وسريعة لفطور رمضان 2017
فلفل الوان و قطعية شرايح
اكلات سهلة وسريعة لفطور رمضان 2017
علبة زبادي
اكلات سهلة وسريعة لفطور رمضان 2017
شوية خل صغيرين ممكن 3 معالق و كمان معلقتين عصير ليمون
اكلات سهلة وسريعة لفطور رمضان 2017
ربع كباية زيت ذرة
اكلات سهلة وسريعة لفطور رمضان 2017
البهارات (رشة توم بودر ، معلقة بهارات شاورما من عند العطار او السوبر ماركت ، معلقة صغيرة بابريكا ، ملح ، فلفل اسود )
اكلات سهلة وسريعة لفطور رمضان 2017
كتبتي المقادير يالا طريقة التحضير
- اول خطوة لازم نتبل شرايح الفراخ اللي جبناها و قطعناها و التتبيلة كالتالي في بولة كبيرة هنحط الفراخ ، و نحط عليها الزبادي و البهارات كلها و عصير اللمون و الخل و نقلب كلة علي بعضة هيلة بيلا ، و نحط الفراخ بعد ما تبلناها في التلاجة و نسيبها اقل حاجة ساعتين عشان تلحق تتبل و تشرب من التتبيلة .
- نجيب طاسة و نحطها علي النار و نحط فيها شوية زيت و نستني لما الزيت يسخن و ننزل بقي بالفراخ شوية شوية و ده عشان الفراخ ما تطلعش مايتها و تكش ، و نقلبها و نسيبها لما نستوي .
- نحط عليها الفلفل الالوان و البصل الجوانح و نشوحهم مع الفراخ لحد ما يدبلوا و يتشوحوا حلو و بعدين نضيف الطماطم الشرايح و نقلب و بس كده و ابتدي اغرفيها و بألف هنا .
الفراخ المقرمشة
الفراخ المقرمشة من الاكلات اللي ديما بيطلبها منك كل افراد الاسرة و خصوصا الولاد الصغيرين يالا بينا مع بعض نكتب المقادير ورقتك و قلمك و اكتبي :
فرخة اغسليها كويس جدا بالماية والخل و انقعيها في دقيق و خل عشان الظفارة و قطعيها علي 8 قطع
اكلات سهلة وسريعة لفطور رمضان 2017
كوباية كبيرة دقيق
اكلات سهلة وسريعة لفطور رمضان 2017
بصل مبشور نعصرة جامد و ناخد مايتة بس
اكلات سهلة وسريعة لفطور رمضان 2017
البهارات بتاعتنا الجميله يالا عدي معايا (معلقتين كبار توم بودر ، معلقتين كبار بصل بودر ، معلقة صغيرة بابريكا ، معلقة كبيرة بكينج بودر ، ملح ، فلفل اسود )
اكلات سهلة وسريعة لفطور رمضان 2017
ندخل بقي علي الطريقة يالا مع بعض
- اولا نتبل الفراخ بتاعتنا بماية البصل و نحط عليها ملح و فلفل اسود و شوية من البهارات الي فوق خدي بالك شوية مش كلهم و نسيبها من بالليل في التلاجة .
- تاني يوم بقي تجيبي طاسة حلوة كده و نحط فيها شوية زيت و نحط الفراخ و نقلبها و نسيبها بس تشرب مايتها دة اطعم بكتير من انك تسلقيها بتخلي الفراخ طعمة و جميله .
- نجيب بقي بولة كبيرة كده و نحط فيها كوباية الدقيق بتاعتنا و نحط عليها البهارات كلها الي كتبناها و نبتدي نحط عليهم ماية شوية شوية لحد ما نلاقي القوام بتاع الخليط بقي زي قوام الكيكة كده .
- نرص الفراخ في البولة دي و نسيبها شوية .
- نجيب بقي طاسة غويطة و نحط فيها زيت بس كتير عشان بتحتاج زيت غزير عشان تقرمش و ما تشربش الزيت و ابتدي طلعي حتت الفراخ من الخليط و حطيها في الطاسة و خدي بالك اوعي تحطيهم لازقين في بعض حطيهم بعاد عن بعض و اقليهم لحد ما يبقي لونهم دهبي و جميل و طلعيهم علي مناديل مطبخ و بألف هنا .
الكفتة المشوية
الكفتة من الاكلات الجميلة و اللي ما بتخلاش العزومات منها و من غير رغي كتير يالا بينا نكتب المقادير ركزي معايا .
نص كيلو لحمة مفرومة
اكلات سهلة وسريعة لفطور رمضان 2017
بصلاية كبيرة مبشورة و نصفي مايتها و عنيها اوعي ترمي الماية
اكلات سهلة وسريعة لفطور رمضان 2017
البهارات الجميلة بتاعتنا (ملح ، فلفل اسود ، بهارات كفتة من عند العطار )
اكلات سهلة وسريعة لفطور رمضان 2017
فحماية
اكلات سهلة وسريعة لفطور رمضان 2017
طريقة تحضير الكفتة المشوية خطوة بخطوة و بطريقة سهلة و بسيطة و ما بتاخدش معاكي وقت و بتبقي زي بتاعة الحاتي بالظبط
- تجيبي بولة كبيرة حطي فيها اللحمة المفرومة و نحط عليها تفل البصل اللي صفناه ، و نحط عليها البهارات بتاعتنا و نقلبها كويس جدا و نسيبها بقي شوية تتشمع و تتبل كده .
- نجيب سيخ شوي او حتي السيخ الخشب و نصبع عليها صوابع الكفتة بتاعتنا و يكون التصبيع اننا نعوص ادينا في ماية البصل فاكرينها و نصبع بيها الكفتة و نرصها في صنية مدهونة شوية زيت و نفضل نصبع لحد ما نخلص الكمية كلها و بعدين نحطها في الفرن لحد ما تستوي وولعي عليها الشواية في الاخر .
- في الفترة اللي بتسويها فيها حطي فحماية علي النار و سبيها لحد ما تصفي خاااالص و تبقي حلوة كده .
- طلعي الصنية و هاتي ورقة فويل صغيرة و اعمليها علي شكل طبق صغير و حطيها في نص الصنية و حطي فيها الفحماية ، و بعدين حطي علي الفحماية حتة زبدة او سمنة او شوية زيت اللي يريحك و لو مش عندك ورقة فويل حطي الفحماية في قشرة بصل و غطي عليها بسرعة علشان الدخان بتاع الفحماية يتحبس في الصنية .
- افتحي الصنية بعدها بنص ساعة كده و تكوني محضرة طبق و مقطعة فيه شوية بقدونس و رصصي عليها الكفتة و قدميها مع سلطة طحينة و سلطة خضار و بألف هنا .
