أكلات عراقيه ووصفات مشهوره بالصور-اكلات رمضانية عراقيه- اكلات عراقيه 2016-اشهى الاكلات الرمضانيه بالصور
مساء الخير على احلى بنوتات فى العالم العربى كله احب ارحب بيكم فى قسم الطبخ من مطبخ الشيفه فتكات ان شاء الله مع الشيفه فتكات هتتعلمو احلى واشهى الاكلات المصريه والمغربيه والسعودية والكويتية واللبنانيه والعراقية كمان اى اكله هتاحتاجو تعرفو يابنات طريقة تحضيرها هتلاقوها بالصور والخطوات خطوه خطوه فى مطبخ فتكات انهارده فتكات عامله مفجأه يابنات وهتقدملنا اكله عراقيه لذيذه جدا تعالو نتابع فتكات ونشوف ايه هو طبق اليوم يلا بينا….
“اكلة المقلوبه العراقيه”
اكله لذيذه وتشتهر بها العراق وبها كمية خضراوات مفيده للغايه تعالو نشوف بقى المقادير
“المقادير”
1- دجاجه
2- بصل
3- حبة بازنجان
4- بطاطا
5- ثوم
6- فلفل اخضر
7- ارز
8- زبده
9- معلقة زيت
10- كارى
11- ملح
12- بندوره ” طماطم”
13- جزر
وبكده خلاص حضرنا كل مكونات المقلوبه العراقيه تعالو بقى نشوف مع فتكات هتعلمنا نعملها ازاى
“طريقة تحضير المقلوبة العراقية”
1-او حاجه يابنات هننقع الدجاج فى مايه وخل عشان يتغسل كويس جدا وبعد كده هنقطع الدجاج قطع صغيره او مكعبات زى ماهتشوفو دلوقتى فى الصوره دى
2- هنتبل الدجاج بالبصل والتوابل ونسيبه ساعه فى الثلاجه
3- هنجيب بقى ياحلوين الرز البسمتى الجميل بتاع المقلوبه ونغسله كويس من النشا وبعد كده نخرط بصله وشوية سمنه كده زى مافى الصوره كده
4- هنضيف بقى شوية مايه وملح والكارى وبعد كده نسقط عليهم الارز ونسيبه تلت ساعه يستوى بالشكل ده
5- بعد كده ياقمرات هنسيب الارز شويه لحد مانخلص تقطيع الخضراوات
6- هنجيب البازنجان هنقطعه حلقات بالشكل ده
7- وبعد ماقطعنا البازنجان هنقليه فى زيت غزير هيبقى بالشكل ده
8- بعد كده هنجيب البطاطا ونقشرها الاول بالشكل ده
9- بعد كده هنقطعها مكعبات زى ماهتشوفوا اسفل الصوره كده بالظبط
10- وهناخد مكعبات البطاطا نقليها فى زيت غزير زى ماقلينا البازنجان وهتدينا النتيجه دى زى ماانتو شايفين كده فى الصوره ياحلوين
11- هنجيب بقى البندوره ونقطعها كده
12- وكمان يابنوتات هنجيب الجزر ونغسله كويس ونقشره وبعد كده نقطعه حلقات بالشكل ده
13- تعالو بقى نسوى الدجاج هنجيب البصل ونقطعه حلقات ونضعه فى تنجره مع شوية زيت حتى يزبل بالشكل ده
14-ونسقط علي البصل فى التنجره قطع الدجاج الطازج ونقلبه جيدا مع قليل من الملح والتوابل التى تفضلونها بالشكل ده
15- هنجيب الفلفل نغسله جيدا ونقطعه شرائح صغيره كده ياحلوين
16-هنيجى بقى نضيف على الارز الذى نضج البازنجان المقلى والبطاطا المقليه والفلفل والبندوره بالشكل ده
17- بعد كده ياحلوين هنضيف قطع الدجاج والجزر ونقلب كله مع بعضه ونضيف بعض الماء له على نار متوسطه لمدة 15 دقيقه بالشكل ده
18- خلاص كده المقلوبه استوت ياحلوين هنقلبها بقى فى السيرفيس وهتدينا الشكل الرائع ده ياقمرات ونزينها بالوز كده
وبكده مطبخ فتكات قدملكم طبق المقلوبه العراقية وبالهنا والشفا على قلوبكم اعزائى وخلى بالكم ياقمرات عشان تعملى المقلوبه العراقيه باللحمه هتبقى نفس الخطوات السابقه بالظبط بس الفرق بدل الدجاج شرائح اللحمه وبكده هتبقو اتعلمتو من الشيفه فتكات المقلوبه بالدجاج وباللحمه
كانت معكم ندى
التعليق
يجب أنت تكون مسجل الدخول لتضيف تعليقاً.