احلى الحلويات الرمضانيه2016-حلويات رمضانية بالصور-مثلجات وحلويات رمضانية-وصفات لاشهر واطيب حلويات لرمضان
مرحبا بكم فى مطبخ فتكات واحلى انواع الاكلات والحلويات المصريه والسعودية والمغربية والكويتيه هتلاقوها هنا عشان خاطر عيون احلى البنات طبعا زى مانتو عارفين احلى حاجه فى رمضان لمتنا الحلوه مع عائلاتنا وعشان اللامه تكمل لازم بعد الفطار نقدم اطباق الحلويات بانوعها بقى والوانها واشكلها تعالو بقى يابنات نشوف الشيفه فتكات وهى بتعلمنا نعمل ازاى مهلبية الشيكولاته الرائعه
المقادير
كيلو نشا
كيلو لبن
علبة كاكاو باودر
كيس سكر
وكوبايتين مايه
تعالو بقى نشوف مع فتكات هتعلمنا ازاى نعمل مهلابية الشيكولاته اللى اكيد كلنا بنحبها
اول حاجه هنجيب اللبن ونغليه
وبعد كده نضيف كمية السكر المناسبه حسب كل واحد منكم بيحب المهلابيه مسكره اوى ولا مظبوطه
وبعد كده هنضيف باودر الكاكاو على اللبن بالشكل ده
وبعد كده نجيب اناء فارغ ونضيف عليه كوبايتين المايه وبعد كده نضيف عليهم 5 معالق كبيره من النشا ونقلقهم كويس ونتاكد من زوبان النشا بالماء زى كده
وبعد كده نضيفه على اللبن والكاكاو على نار هاديه مع التقليب المستمر حتى يصل للسمك المطلوب ويبقى بالشكل الرائع ده نقدموا لضيوفنا فى رمضان
وبالهنا والشفا على قلوبكم يا احلى بنات متابعه مطبخ فتكات
وتعالو بقى يابنات وركزو بسرعه مع الشيفه فتكات هتعلمنا دلوقتى ازاى نعمل احلى سلطة فواكه فى الدنيا
المقادير
كيلو فراوله
كيلو موز
كيلو تفاح
علبة لبن
كريم جانتى باودر او كريمه لبانى
طريقة التحضير
ركزو بقى كده واعرفوا معايا طريقة التحضير لسلطة الفواكه
هنغسل الفراوله كويس كده ونقطعها حلقات صغيره زى ما فى الصوره كده
وكمان نقطع الموز حلقات صغيره بالشكل ده
وكمان نقطع التفاح شرائح صغيره كده
وبعد كده نضيف الفواكه كلها على بعض ونضيف عليهم كمية السكر المناسبه حسب مزاق كل واحد منكم سواء بيحب السكر خفيف او كثير
وبعد كده نسيبهم فى السكر شويه
ونبتدى نعمل الكريم جانتى هنجيب الباودر ونضيف عليها اللبن المثلج ونضربهم جيدا بمضرب البيض لحد مانوصل للقوام المناسب ده
وبعد كده هنقدر نقدم سلطة الفواكه ونضيف عليها الكريم جانتى بالشكل ده
وكمان نقدر نقدمه بشكل تانى فى كاس العصير ونضيف فى الكاس طبقة سلطة فواكه وبعد كده كريمه وبعد كده طبقة سلطة فواكه وطبقة كريمة تانيه ونزينها بالفراوله من فوق بالشكل ده
وبكده خلصنا احلى سلطة فواكه وبالهنا والشفا وكل سنه وانتم طيبين
كانت معكم : ندى عادل
التعليق
يجب أنت تكون مسجل الدخول لتضيف تعليقاً.