طبخات رمضانية سهلة وسريعة – اعداد موائد فطور رمضان صحي وسريع بالصور – طريقة عمل حلويات رمضان بالصور 2016- احلى اكلات رمضان 2016بالصور-احلى الحلويات الرمضانية
اهلا بيكم فى مطبخ فتكات واحب اقولكم كل سنه وانتم طيبين خلاص هلول الشهر الكريم على الابواب رمضان كريم وانا الصراحه عندى عزومه كبيره اول يوم رمضان ونفسى اعمل احلى الاكلات وابان قدام اهلى احسن طباخه بقى فى الدنيا وطبعا بعد مافكرة كتير من يقدر يساعدنى فى العزومه ده ملقتش غير الشيفه فتكات عشان كده جيت اجرى بسرعه عليها وطبعا دلوقتى موسم الباميه الجميله وطواجنها الرائعه تعالوا بقى يااحلى البنات ركزو كويس جدا مع فتكات وهى بتعلمنى اعمل احلى طاجن باميه فى الدنيا كلها
المقادير
كيلو باميه
نص كيلو بصل
ربع كيلو فلفل احمر حار
كيلو طماطم طازه
مكعب زبدة
معلقة ملح ومعلقة شطه
تعالو بقى شوفو الشيفه فتكات ومعاها عدلات وطريقة تحضير طاجن البامية
هنجيب الباميه ونغسلها كويس ونسيبها لحد ماتنشف كويس زى ماهو قدامكم فى الصوره
وبعد ماتنشف الباميه نقمعها بقى يابنات وطبعا عارفين هنقمعها ازاى بالشكل ده
وبعد كده هنجيب بقى الحله ونحط فيها معلقة الزبده
وبعد كده نجيب البصل بقى يابنات ونقطعه مكعبات كده زى ما فى الصوره
وكمان نجيب الفلفل الاحمر الحار ونقطعه مكعبات زى كده فى الصوره
وبعد كده نضيف البصل والفلفل على الزبده ونشوحهم شويه على نار هاديه وبعد كده نسقط عليهم الباميه ونشوحهم سوى لحد مايدبلو وبعد كده نجيب الطماطم ونضربها فى الخلاط وناخد عصير الطماطم ده
وبعد كده هنضيف عصير الطماطم على الباميه ونقلب كويس وبعدين نضيف التوابل معلقة ملح ومعلقة شطه
وبعد كده نسيبها بقى تتسبق وتمتزج مع الطماطم والبهارت على نار هاديه لمدة 20 دقيقه وبعد كده نطفى عليها ونقدمها هتبقى بالشكل اللذيذ ده
وبكده اتعلمنا خلاص يابنات نعمل احلى طاجن باميه من مطبخ فتكات
تعالو بقى نشوف الشيفه فتكات وهى بتعمل احلى صينية بطاطس فى الفرن وكمان بطريقه سهله وبسيطه وهتعملها ناى فى ناى عشان تبقى خفيفه علينا وشهيه وممتعه وماتتعبش المعده
المقادير
كيلو بطاطس
نص كيلو طماطم
نص كيلو فلفل
كيلو بصل
ومعلقى زيت ومعلقة ملح ومعلقة فلفل اسود مطحون ومعلقة شطه
تعالو بقى ركزو مع فتكات وطريقة تحضير صينية البطاطس فى الفرن
هنجيب البطاطس نقشرها ونغسلها ونقطعها مكعبات زى مافى الصوره الجايه بالظبط
وكمان نجيب البصل ونقطعه حلقات زى ماهتشوفوا فى الصوره دى
ونقطع الفلفل مكعبات كده
وكمان الطماطم نقطعها مكعبات صغيره وبعد كده نجيب الصينيه ونحط فيها معلقة الزيت دى
وبعد كده نضيف عليها البطاطس المكعبات ومعاها البصل حلقات ومعاها الفلفل المكعبات والطماطم المكعبات ونضيف البهارات معلقة الملح والفلفل الاسود والشطه
ونضيف فى الصينيه نص كوباية مايه ونسيبها على نار هاديه واول ماتغلى يابنوتات ندخلها الفرن على طول ونسيبها 15 دقيقه فى الفرن وبعدين نخرجها هتبقى استوت وشكلها ورائحتها لا اروع ولا احلى من كده
وبالصحه والهنا على قلوبكم يااحلى قمرات
كانت معكم: ندى عادل
التعليق
يجب أنت تكون مسجل الدخول لتضيف تعليقاً.