طريقة عمل البابا غنوج بالصور

 

طريقة عمل بابا غنوج خطوه خطوه- طريقة عمل بابا غنوج بالطحينه بالصور

 طريقة عمل بابا غنوج المصرى-بابا غنوج بالصور

 

اهلا بيكم فى مطبخ الشيفه فتكات يابنات انهارده فتكات هتعلمنا اكلات سهله وبسيطه وخلى بالكم مش بس اكلات مصريه لا وكمان اكلات سوريه ومغربيه وسعوديه وكويتيه ولبنانيه وكلها اكلات مفيده وسهله وسريعه فى تحضيرها وكمان مغذيه جدا لينا فى اكلات يابنات بسيطه جدا بس فى بنوتات مبتعرفش تعملها مع مطبخ فتكات خلاص وداعا للاسئله ووداعا لكلمة مبعرفش اعمل الاكله دى مع فتكات هتابعنا خطوه بخطوه وهنتعلم احلى الاكلات تعالو بقى ياحلوين نشوف فتكات هتقدملنا ايه النهارده

“طريقة عمل البابا غنوج“

قبل يابنوتات مانعرف ايه هى مقادير البابا غنوج تعالو نعرف فايدته ايه الاول لينا ولاولادنا طبعا فى كمية حديد يحتاجها الجسم وبيقلل نسبة الكوليسترول وبيساعد على تدفق الدم وبه فيتامبنات كثيره عشان كده مهم جدا لينا سلطة البابا غنوج الرائعه اللى لا تخلو منها مائده فى شهر رمضان الكريم 

“المقادير”

1- كيلو بازنجان

 

2- نصف كيلو طحينة

 

3- فلفل

 

4- ثوم 

 

5- خل

 

6- بقدونس

 

7- توابل

  

8- شوية زيت 

 

وبكده ياحلوين حضرنا كل المكونات اللى هنحتاج نستخدمها فى عمل البابا غنوج تعالو بقى نشوف طريقة التحضير السهله والبسيطه خطوه بخطوه مع فتكات

“طريقة تحضير البابا غنوج”

1- هنجيب البازنجان الرومى ده 

 

2- بصو بقى ياقمرات هناخد بالبازنجان ونشويه على البتجاز من فوق بالشكل ده

 

3- بعد مانتاكد ان البازنجان اتشوى خلاص هنبتدى بقى ياحلوين نقشر القشره السوده بتاعته وياريت وانتو بتقشرو البازنجانه المشويه تاخده حظركم ياحلوين عشان بتبقى ساخنه جدا وعشان ايدكم ماتتحرقش بعد مانقشرها هتبقى بالشكل ده 

 

4-وخلى بالكم فى ناس بتحب تقطع البازنجان حلقات وتشويه فى الفرن وده باردو عادى زى ماتحبو يابنات لانه باردو هيدينا نفس النتيجه بالشكل ده 

 

5- بعد كده ياحلوين هنجيب الفلفل الاخضر ونغسله كويس يابنات وبعد كده نقطعه بالشكل ده 

 

6- ونيجى بقى ياقمرات نجيب الخلاط بتاعنا و نضع البازنجان المشوى فيه ونضيف عليه حلقات الفلفل كمان ونضربه جيدا 

7- هنجيب الثوم ونفرمه بالشكل ده 

 

8- هنضيف الثوم المفروم كمان فى الخلاط مع البازنجان والفلفل عشان يمتزج الخليط مع بعضه 

9- ونجيب بقى الطحينه يابنات دى ونضيفها كمان على الخليط الاسبق بالشكل ده 

 

10- ودلوقتى هنضيف شوية خل ياقمرات على البازنجان المفروم والفلفل والثوم والطحينه بالشكل ده 

 

11- وبعد كده هنضيف التوابل ملح وفلفل اسود وشوية شطه 

 

12- وبعد كده ياحلوين هنضيف على الخليط معلقة الزيت دى 

  

13- وبعد كده يابنوتات هنكون خلاص خلطنا كل المكونات ببعضها 

14- هنجيب البقدونس بقى ياحلوين وننقعه فى شوية مايه وخل عشان نغسله كويس قبل اى حاجه وبعد كده نقطعه بالشكل ده عشان نزين بيه وش البابا غنوج 

 

15- ونقدملكم دلوقتى البابا غنوج من مطبخ فتكات بالشكل ده 

 

وبالهنا والشفى على قلوبكم ياحلوين

كانت معكم ندى

وصفاة سهلة التحضير 

اكلات رمضانية بالصور