حلويات جزائرية جديدة قمة في الروعة

اعضائنا الحلوين ازيكم عاملين ايه يارب تكونوا كلكم تمام و مرتاحين وكويسين النهارده طبعا راجعين مع موضوع لذيذ وطعمة حلو اوووي طبعا حلو اوي لانه بيتكلم عن الحلويات و بيتكلم عن الحاجات الحلوة اللي انتوا بتحبوها و اللي انتوا ديما بتطلبيها و بتحبي تعمليها الحلويات في حد مش بيحب الحلويات الكل منا بيحب الحلويات و بيحب يشتريها او يعملها الكل منا بعد الاكل ديما لازم يحلي و لازم يحس بمتعة الحلويات عشان كده بقولكم اننا لازم ناخد بالنا من الموضوع ده عشان احنا هنقدملك مجموعة كبيرة و جديدة من الحلويات الجزائرية و طبعا دي مش هتفيد الناس اخوانا الحلوين في الجزاير بس لا دي هتفيدنا كلنا لاننا ديما بنحب ننوع و نغير و بنزهق فعلشان كده اتعلمي انواع تانية و جديدة و مختلفة من الحلويات اللي هنقدمهالك و اعمليها لاولادك هيحبوها جدا و هيبقوا عايزينك تبتكري و تنوعي اكتر و اكتر يالا تابعي معانا الحلو كله و شوفي قد ايه هيفيدك جدا و هيناسبك جدا و كمان هنعملة ليكي بطريقة سهلة علشان يكون سهل اووي عليكي و مش متعب و مش تتعبي كتير  و تحسي بحلاوة اللي بنعمله ليكي يالا تابعي معايا الوصفات اللي هنقدمهالك و قوليلنا رأ]ك و قولي لنا جربتي منهم ايه و حبيتي منهم ايه و عايزة تعملي ايه اضافات ليهم و يا تري لو عندك طريقة اسهل ممكن كمان تفيدينا كلنا و تفيدي كل المتابعين يالا تابعي معايا و لو مش بتعرفي تعملي حلو هتلاقي عندنا الحلو كلة باسهل الطرق و باقل تكلفة اتعلمي مننا و اعملي زيينا يالا انا هبدأ معاكي بمقادير كل وصفة وشرح عملها ازاي عشان مش تتعبي كتير و مش تتضايقي كتير يالا معايا نتابع مع بعض كل الحلويات اللي هنا هتهمك حلويات جزائرية جديدة و رووعة و مميزة و كلها بطرق اسهل من كده مافيش مقادير مظبوطة و متجربة و كله مناسب ليكم انتمو عشان عيونكم بس .

ملفوف بالشكولاتة 

ملفوف الشكولاتة ده من الحلويات الجزائرية الجميله جدا اللي هتحبوها كلكم و بجد هتموتوا فية ده شبية بالهوهوز عندنا كده عبارة عن عجينة بسكوت ملفوفة و محشية من جواها كريمة جميله و كمان من بره عليها شكولاته لذيذة يم يم يم علي الطعم الجميل و اللذيذ يالا تابعي معانا كل المقادير و قولي رأيك فية لما تعملية .

المقادير 

*اولا : مقادير العجينة *

3بيضات

80 جرام  شكولاتة سوداء خاااام

60 جرام سمنة في الجزاير اسمها مارجرين 

100جرام سكر

100جرام  دقيق الجزائريين بيقولوا عليه فرينة 

1 ملعقة صغيرة خميرة 

ثانيا :مقادير الكريمة 

150جرام سمنة

2 ملعقة كبيرة نيسكافيه

1 ملعقة كبيرة ماء

2 بياض بيض

100جرام سكر ناعم

ثالثا  : التزيين

150جرام شكولاتة  سوداء خام 

3ملاعق كبار ماية 

25جرام سمنة 

*طريقة تحضير العجينة *

1. هتجيبي البيض بتاعنا افصلي البياض عن الصفار اضربي الصفار لوحدة مع السكر لوحدهم و افضلي اضربي فيهم و هاتي بقي البياض اضربية لوحده هو كمان و افضلي اضربي لحد ما يبقي متماسك كده و يتضاعف .
2. ضيفي علي السكر و الصفار الشكولاتة الخام بعد ما تسيحيها , و كمان ضيفي السمنة و هاتي الخميرة و ضيفيها و بس كده قلبي كويس جدا ضيفي بقي البياض علي العجينة بتاعتك و افضلي قلبي براحة عشان مش يهبط منك و هاتي صنية و حطي فيها ورقة ذبدة و افردي فيها العجينة و حطيها في الفرن .

*طريقة تحضير الكريمة*

هاتي البياض اضربية لوحده لحد ما يتماسك و هاتي بقي باقي المكونات اللي كتبناها علي الكريمة و حطيها علي بعض و نحط عليهم البياض اللي ضربناه و هيبقي كده خلاص الكريمو جهزت هاتي الملفوف بعد ما طلع و قلبتية و برد و حطي علية الكريمة و ابدأي لفية و حطيه في التلاجة بقي عشان الكريمة بتاعتك تتماسك مع بعضها و تبقي حلوة و كده تمام احنا خلصنا فاضل بقي التزيين احنا هنا محضرين للتزيين الشكولاتة طبعا دي حاجة ترجعلك ممكن تحطي كراميل ممكن تحطي صوص فراولة ممكن ترشي علية سكر و تسبية زي ما تحبي انتي .

*طريقة تزيين الملفوف *

زي ما اتفقنا ان التزيين ده يرجعلك انتي انتي بس اللي تقدري تزيني الحاجة بتاعتك باللي يناسبها و اللي يفيدك و تحبية و طعمة يبقي حلو بالنسبالك احنا هنا هنزين بالشكولاتتة بتاعتنا هتجيبي الشكولاتة الخام دي و تدوبيها و عها شوية ماية و حتة سمنة و سيحيها حلو جدا و حطيها علي وش الملفوف و حطيها برده في التلاجة بقي عشان تجمد و بألف هنا ممكن تعمليه في المناسبات و اعياد الميلاد هيبقي حلو اوووي  ومناسب اوووي  و هتفرحي بيه ضيوفك اوووي .

 صابلي بالفسدق

احنا عندنا في مصر بنسمية السابليه و ده من الحلويات اللذيذة و السهله جدا و اللي بتشبة البسكوت اوووي و ممكن تحشيها اي حاجة انتي بتحبيها و هيبقي خفيف و جميل و كويس جدا جربية و انتي هتلاقية سهل و هتحبي تعملية ديما يالا تابعي معايا الطريقة 

المقادير 

* اولا مقادير العجينة *

250 جرام زبدة 

250 جرام سكر ناعم 

3 بيضات 

فانيلا 

1 كيس بيكينج بودر  

دقيق  حولي 750 جرام 

*طريقة التزيين *

فستق مطحون

سكر ناعم 

300 جرام مربى

*طريقة تحضير الصابلي *

الطريقة سهلة اضربي البيض مع السمنة و السكر و حطي ليهم الدقيق و ضيفي الفانيلية و البيكينج بودر و اعجنيهم كويس جدا و بعدين بقي تعملي ايه تفردي العجينة دي علي الرخامه عندك باستخدام النشابة هتتفرد حلو اوي معاكي و بعدين هاتي قطاعات بسكوت و قطعي بالاشكال اللي انتي تحبيها و اللي بترتاحيلها و بعدين هاتي صواني و رصصيها فيها كده و طبعا لازم تكون الصنية مدهونة سمنة و بعدين بعد ما تستوي سبيها تبرد و الزقيهم بقي في بعض بالمربي و رشي عليهم فسدق او حتي تحطي المربى علي الوش اللي يريحك اعملية ديما بنحب نسيبلك طريقة التزيين اللي تريحك و مش بنجبرك بطريقة معينة .