طريقة عمل كحك العيد بالصور والخطوات

25 مايو, 2016 3:41 ص nada adel
1 Star2 Stars3 Stars4 Stars5 Stars
Loading...

طريقة عمل كحك العيد 2016-طريقة عمل كحك العيد المصرى بالصورطريقة عمل كحك بالملبن حلويات العيد- طريقة عمل كعك العيد الناعم -طريقة عمل كعك العيد الساده-طريقة عمل كحك العيد بالمنزل خطوه بخطوه

مرحبا بكم فى قسم الطبخ من مطبخ فتكات مع الشيفه فتكات هتعرفو احسن الوصفات والطبخات المصريه واللبنانيه والسعوديه والمغربيه والكويتيه وكمان مش وصفات طبخ بس لا كمان احلى الحلويات الشاميه بجميع انواها والوانها وروعتها ومعانا فتكات هتورينا الطرق السهله والبسيطه فى التحضير وكمان الاكلات المفيده جدا لينا وبادق التفاصيل زى ماانتو عارفين يابنات فرحة العيد ليها طعم تانى واحنا بنحضر كحك العيد الجميل اللى بنتلم اسرتنا كلها ونساعد بعض فى اعداده وبكل فرحه ومتعه وسعاده وزى مانا عارفه ان دلوقتى فى بنات كتير بتشترى الكحك من المحلات لانها مبتعرفش تعمله فى البيت لا انهارده بدل فتكات موجوده يبقى الوضع اختلف مفيش حاجه ياقمرات هيبقى صعب عليكم تعملوها فى البيت تعالو بقى نروح لفتكات ونشوفها هتعمل كحك العيد ازاى وخطوه بخطوه سوا يلا يابنات

  • “كحك العيد”

    قبل اى وصفه وخطواتها فى طبعا المقادير وهى بتوصفلنا بادق التفاصيل ايه هى كل مكونات الوصفه دى تعالو بقى يابنات نشوف ايه هى المكونات معانا النهارده 

    “المقادير”

    1-عدد 7 كوبيات دقيق

    is (62) 

    2-عدد2ونص كوب سمنه او مكعب زبده كبير

    is (59) 

    3-عدد 4 معالق قشطه

    is (52) 

    4- عدد 4 معالق زبادى

    is (71) 

    5- عدد 2 معلقه كبيره سمسم

    is (6) 

    6- عدد 2 ملعقه كبيره جوز هند مبشور

    is (75) 

    7- عدد ملعقه واحده كبيره خميره فوريه

    is (78) 

    8- عدد 2 معلقة سكر كبيره

    is (9) 

    9- ملح وريحة الكحك من العطار

    is (79) 

    10- عدد مكعب ملبن

    is (74) 

    11- لتر مياه 

    is (81) 

    كده ياقمرات عرفنا معا فتكات ايه هى كل المكونات تعالو بقى نشوف طريقة التحضير السهله والبسيطه اللى بيها هتقدرى تعملى ياست الكل احلى كحك وتفرحى اولادك 

    “طريقة تحضير كحك العيد الساده او بالملبن”

    1- بصو بقى يابنات ركزو كده معايا اول خطوه هنعمله هنجيب وعاء فارخ ونضيف ليه معلقة الخميره مع معلقتين الشكر وشوية مايه ونسيبهم يدوبو مع بعض

    is (77)  

    2-هنقلب كويس الخميره مع السكر لحد ماتدوب كده 

    is (69) 

    3-وبعد كده نركن بقى شويه السكر والخميره مع بعض ونجيب وعاء فاضى ونضيف ليه الدقيق كده

    is (68) 

    4- ونجيب الزبده نسيحها كويس على النار لحد ماتغلى كده

    is (60) 

    5- وعشان نتاكد ان السمنه غليت يابنات هنعملها اختبار بسيط هنضيف عليه السمسم  لو السمسم اتحمص هنتاكد انها خلاص غلية وجاهزه والسمسم هيبقى بالشكل ده

    is (48) 

    6- هنضيف السمنه المغليه على الدقيق والسمسم بالشكل ده 

    is (14) 

    7-هنقلب السمنه مع الدقيق والسمسم كويس اووى وخلى بالكم يابنات السمنه بتغلى اوعو حد يقلب العجينه بايده عشان مايتحرقش هاتو معلقه استانلس وقلبو بيها كويس بالشكل ده 

    is (67) 

    8-بعد كده لازم ننتظر لحد مالعجينه تبرد خالص وبعد كده نضيف الخميره اللى ذابت مع السكر كده 

    is (53) 

    9-وبعد كده نضيف للعجينه شوية ملح 

    is (55) 

    10- ونضيف كمان القشطه ونقلب كويس وخلى بالكم القشطه بتبيض العجينه بتبقى تحفه كده

    is (65) 

    11- وكمان نضيف الزبادى كده 

    is (73) 

    12- هنقلب الخليط كله مع بعضه بمضرب البيض ويمتزج ببعضه بالشكل ده 

    is (56) 

    13- وكمان نضيف على العجين جوز الهند المبشور الرائع ده اللى هيدى العجينه ريحه وطعم هائل بالشكل ده 

    is (63) 

    14- نستمر فى تقليب العجين حتى يصبح متماسك ومابيلزقش فى ايدنا ويدينا النتيجه دى 

    is (61) 

    15- هنبتدى بقى نجهز قوالب الكحك باشكالها الجميله دى 

    is (97) 

    is (94) 

    16- وفى كمان ناس بتحب تزين الكحك بالمنقاش مش بالقوالب براحتكم خالص استعملو فى تزين الكحك اللى تحبوه 

    17- وبعد كده هنبتدى ناخد قطع من العجين ونعملها على شكل كوره بالشكل ده 

    is (80) 

    18- لو عايزينه كحك ساده هنحطه بالشكل ده على طول فى القالب ونخرجه نرصه فى الصينيه لكن لو عايزين بالملبن هنمسك الكوره ونحط في نصفها كده قطعة ملبن ونلفها تانى نقفلها يبقى الملبن مش باين خالص من العجين عشان لما يتحط فى الفرن مايتحرقش وبعد كده نزوق الكحكه بالمنقاش او القالب زى مااتفقنا يابنات ونحطه الصينيه فى الفرن على نار متوسطه عشان لو علينا النار هيتحرك من تحت ومش هيبقى مستوى من جوه هنسيبه ربع ساعه فى الفرن ونجى نفتح عليه ونولع الشوايه عشان يحمر وشه ويبقى باللون الدهبى الجميل وبعد مانخرجه من الفرن نسيبه لحد مايبرد خالص ونتاكد انه برد عشان نقدر ناخده من الصينيه من غير مانكسره ونبوظ شكله بعد كده هننقله فى السيرفيس ونضيف على وشه السكر البودره ويدينا النتيجه الرائعه دى

    is (92) 

    19- ونقدمه فى السيرفيس لضيوفنا فى العيد وكل سنه وانتم طيبين يا احلى البنوتات

    is (93)

    وبكده عملنا احلى واسهل طريقه لكحك العيد وبالهنا والشفا على قلوبكم وكل سنه وانتم طيبين وبخير والأمه الإسلاميه كلها بخير 

    كانت معكم : ندى عادل

    ويارب يكون الكحك نال اعجابكم

    وصفات رمضانية سريعه 

    وصفات رمضانية بالصور 

    حلويات رمضانيه سهله 

    حلويات العيد بالصور والخطوات

    حلويات العيد الجزائرية بالصور 2016

    تصنيف الخبر :
    كلمات البحث :