غسيل السجاد بدون ماء

اهلا بيكم اعضائنا الحلوين ديما بيشغل بالنا نضافة البيت ة ازاي نقدر نهتم ببيتنا و بنظافتة و و بكل حاجة موجودة فية ديما بتحاول كل ست بيت ان بيتها يكون منسق و منظم و حميل و بتحاول ديما تتخلض من الاوساخ اللي ديما بتخلي منظر بيتها مش كويس و اللي بتحرجها قدام اي حد غريب و كل واحدة ديما لها نظام معين بتحب تتبعة عشان يكون بيتها جميل و مميز و طبعا كل جزء في البيت لة نظام و لة طريقة معينة بتحاول كل واحده تمشي عليها و تشتغل بيها و بيتحاول ان بابسط الطرق تقدر تخلي كل جزء منسق و جميل و جديد في بيتها و بتحاول توفر في التكاليف و توصل لافضل نظافة باقل تكلفة ممكنة و عشان كده احنا هنساعدك في نظافة بيتك و هنساعدك في عمل كل حاجة بابسط الطرق الممكنة عشان مش تتعبي كتير و لا تدوري و لا تلفي كتير هنبقي معاكي ديما واخحدة واحده و هنقولك ازاي تقدري تكوني انيقة في نظافة بيتك , و اكتر حاجة بتتعب اي واحده في نظافة بيتها هي السجاجيد و نظافتها و الاهتمام و العناية بيها و عشان كده احنا هنجيبلك مجموعة كبيرة من الطرق المتجربة اللي تقدري بيها تنظفي سجاجيدك و تعقميها كمان و تخليها فلة و بتبرق ومن غير ما تستخدمي ماية كتير و صابون و تفضلي تدعكي و تدعكي طالما البقعة اللي فيها مش كتير و طالما ممكن تتعمل لوحدها و كمان احنا هنوفر عليكي الفلوس الكتيرة اللي هتحتاجي تدفعيها عشان تقدري تنضفي السجاجيد بتاعتك و تغسليها بره في اي مكان ممكن يغسلك سجاجيدك و يعقمهالك و ممكن التكلفة تكون توصل لتمن سجادة جديدة عشان كده حاولي انك تبقي شاطرة و تتعلمي معانا الطرق المختلفة اللي هنقدمهالك عشان تستخدميها في نظافة السجاجيد و من غير لازمة بقي انك تستخدمي ماية كتير و تبهدلي الدنيا و تعملي ازمة في البيت عشان غسل السجاجيد يالا تابعي معانا بالخطوات ازاي تقدري تنظفي سجاجيدك من غير ماية كتير .

انا قبل ما هتكلم علي اي طريقة من الطرق اللي هنقدمها لكم عايزة بس اقولك ملحوظه مهمة جدا لازم تتبعيها و لازم تمشي عليها و هي ان كل المواد اللي هنقدمهالك و كل الطرق لازم في الاول تجربيها علي حتة صغيرة خالص و مش باينة من السجاده بتاعتك عشان السجاجيد انواع و خامات مختلفة و لازم تاخدي بالك لان ممكن طريقة تناسب سجادك و مش تناسب سجاده حد تاني فلو سمحت قبل ما تدوسي و تستخدمي علي السجادة كلها جربي بس مع جزء بسيط منها و شوفي هيأثر فيها ازاي و هيكون عامل معاها ازاي و يالا مع بعض هنبدأ مع اول الطرق اللي ممكن تساعدك في غسل السجاجيد .

 استخدام الخل في تنظيف السجاجيد 

الخل بيعتبر من المواد المعقمة و الجميله جدا و اللي بتكسر الدهون و الاوساخ كمان و عشان

كده هنقدملك مجموعة من الطرق اللي تقدري تستخدميها في تنظيف سجاجيدك باستخدام الخل

الطريقة الاولي 

هاتي مقدار من الخل و ليكن كوباية و هاتي نفس المقدار من الماية يعني كوباية مايه و كوباية خل و هتعملي ايه بقي عارفة البخاخة بتاعة المكوة هاتي واحدة و حطي فيهم المقدارين دول علي بعض و اخلطيهم كويس و روحي علي السجاجيد بتاعتك شوفي اماكن الاوساخ فين و رشي عليها من المقدار و بعدين قومي سبيها بقي لمده عشر دقايق كده و بعدين هاتي فوطة نضيفة مبلولة بسيط و ابدأي ادعكيها كويس هتلاقي البقع كلها راحت و اختفت .

الطريقة الثانية

هنا هنجيب بردة مقدار من الخل و قدة عشر مقادير ماية يعني لو كوبايه خل هتعايري معاها عشر كوبايات ماية و هتحطيهم علي بعض في قلب بخاخة و بعدين هنستخدم هنا الجهاز اللي بينضف السجاجيد بالبخار و هنجيبلك صورتة عشان لو مش عندك و عايزة تشتري واحد طبعا هو متوفر بانواع كتيرة اختاري النوع اللي يناسبك و يناسب التكلفة المسموحة عندك

استخدام محلول الامونيا في تنظيف السجاجيد

هنا الطريقة دي بيتم استخدامها مع البقة الشديدة اوووي اللي ما نفعش معاها الطرق الاولي اللي اتكلمنا عليها و الامونيا من المواد اللي لها ريحة نفاذة و عشان كده لازم نفتح الشبابيك كويس اثناء استخدامها و نبعد الاطفال عن المكان لحد ما نخلص خالص , و هنا بنعمل ايه بقي هنخلط شوية من الامونيا مع شوية من الماية و هتجيبي بقي اي فرشة سنان قديمة عندك و مش بتستخدميها و هتعملي ايه بقي هتيجي علي البقع و تعوصي الفرشة من المحلول اللي جهزناة من الامونيا و من الماية و تبدأي بقي تدعكي كل البقع اللي موجوده في السجاجيد عندك و هنعمل ايه بعد ما دعكناهم كويس بالفرشه هاتي بقي فوطة و طبق و الطبق فية ماية و خل و عوصي الفوطة بليها من الماية ام خل و امسحي بيه مكان البقع كلها اللي دعكتيها بالفرشة و بالامونيا و بعد كده بقي هتلاقي السجاده بتبرق و زي الفل و ما تقلقيش بمجرد ما السجاجيد تنشف الروايح بتاعة الخل و الامونيا هتختفي نهائيا و مش هتبقي موجوده خالص جربيها بقي و قوليلنا ايه اللي تم معاكي .

تنظيف السجاجيد باستخدام البيكينج صودا 

البيكينج صودا من المواد اللي ليها فوران وبتتفاعل بسرعة مع الدهون وبتقضي عليها تماما هي و كل البقع عشان كده له استخدامات كتيره جدا في النضافة و مش شرط السجاجيد بي عشان كده عاوزاكي تركزي معايا في طريقة البيكينج صودا يالا مع بعض , و الحلو في البيكينج صودا انه فعلا بيقضي و نهائي علي اي روايح موجوده في سجاجيدك بقي روايح عفن كمكمه اي حاجة من الحاجات دي بيقضي عليها تماما عشان كده هو افضل اختيار تقدري تستخدمية في نظافة سجاجيدك و تعقيمها كمان .

الطريقة الاولي 

الطريقة بتاعتنا هنجيب البيكينج صودا هنرش كمية منها علي كل السجاده اللي مليانة بقع او علي مكان البقع و هنحط ماية سوخنة و هنسيبها شوية وبعد كده هتجيبي بقي المكنسة الكهربا اشفطي بيها البيكينج صودا اللي رميناهم علي السجادة و اشطفي سجادتك بالماية و سبيها تتنشف علي سور البلكونة او حتي لو عندك مجفف السجاجيد دوسي و استخدميه وبقي سبيها و هتلاقيها بقت روووعه بصراحة و متعقمة و جميله و ما فيش اي روايح طريقة جميله و الكتير منا جربها وبجد تقدري تستخدميها بدل ما تقعدي تدعكي و تقطمي ضهرك دعك في السجاجيد و تغسلي بالصابون و تشطفي صابون جربيها و ادعيلي .

 الطريقة الثانية 

الطريقة التانية بقي ممكن نستخدم فيها البيكينج صودا و من غير اي ماية نهائي طب هنعمل ايه هتجيبي البيكينج صودا و هتيجي بقي ترشيها علي السجاده و سبيها لفترة عشر دقايق و لا حاجة و هاتي المكنسة الكهربا الموجوده عندك و اشفطي البيكينج صودا و بكده مش هيبقي في ماية و لا اي حاجة و هتشيل البقع و هتخليها جميله جربي و احكمي و ده لاان البيكينج صودا من المواد الرائعة في تنظيف السجاجيد و اللي بتعمل علي انها تششيل الروايح كمان دي مش مادة سامه يعني الاطفال ما فيش اي خطوره منها عليهم ابدا لانها بتستخدم في الاكل و ده شئ مش منه اي ضرر علي صحتك او علي صحة اولادك جربي و التجربة هي خير برهان زي ما بيقولوا يالا استخدمي و جربي و احكيلنا عن تجربتك كان نظامها ايه .

استخدام المياة الغازية في تنظيف السجاجيد

المياة الغازية بتحتوي علي الصودا و الصودا لها تأثير مميز جدا في ازالة البقع و التخلص منها نهائي و عشان كده هيبقي حاجة سهلة و مميزة جدا لو استخدمتيها علي السجاده بتاعتك تعالي يالا اقولك الطريقة ازاي طبعا هتجيبي ازازة حاجة ساقعةو و هتحطي منها علي اماكن البقع و بعدين هاتي فوطة مبلولة و امسحي اماكنها و ظبطي بقي السجاجيد الخاصة بيكي و خليكي نظيفة و انيقة .

 استخدام سائل تنظيف الاطباق في تنظيف السجاجيد 

 لو عندك بقي البقع صغيرة خالص بقعة طفلك عملها و لسه جديدة و عايزة تنظفيها بسرعة هاتي شوية من سائل تنظيف الاطباق اللي عندك ايا كان نوعة بقي و حطيه في طبق عندك مع شوية ماية و هاتي فوطة و بليها منة و ادعكي البقعة كويس و هاتي طبق تاني فية ماية نضيفة و بعدين اغسليها بية باستخدام فوطه نضيفة و هاتي فوطة ناشفة و حطيها علي المكان اللي شيلتي منه البقعة وشوفي قد ايه البقعة هتروح بكل سهولبة و حاولي اول باول تنضفي اي بقع تحصل في سجاجيدك قبقل ما تنشف و تحتاج منك نضافة كتير يالا جربي كل الطرق دي و قوليلنا ايه اكتر طريقة فيهم عجبتك و ايه الطريقة اللي انتي ناوية تستخدميها و لقتيها سهلة بالنسبالك  و ياريت لو عندك طرق تانية تقوليها لينا و احنا هنضيفها معانا شاركينا برأيك و قوليلنا لو عندك طرق افضل .