كلام ستات
جوزك مش صعب تتعاملى معاه بس المشكله انك مش فهماه
يعنى فيه حاجات جوزك عايزاها منك او حتى لو حبيبك او حتى لو خطيبك خليكى ذكيه واستخدمى الاسلوب اللى يجذبه وفى نفس الوقت
يريحه لو عايزاه تخدى عينه هتخديها بس خليكى اذكى منه الراجل مش بيحب الغبيه بيحب الذكيه اللى تعرف تكسب عقله قبل قلبه
عايزاه تكسبى قلبى الراجل اليكى بعض الخطوات المجربه والعمليه التى تم استخدامها ونجحت بالفعل وهى كالاتى
اولا بطلوه زن قولى الحاجة مرة واحده ولو مش رد اعرفى انه مش عايز يتكلم فى الموضوع فاسكتى
ثانيا حاولى تهتمى باللى جوزك بيحبه يعنى لو بيحب شغله ركزى على شغله ساعديه فيه
لو بيحب الكورة كلميه عنها شوفى اهتمامه ايه واقعدى معاه واتكلمى فى اللى بيحبه
الراجل بطبعهم صامتين بس يحبوه يتكلموه فى اللى على مزاجهم عارفين ليه بيفضلوه اصحابهم عليكم عشان بيلاقوه معاهم اهتمامتهم اعرفى قلب جوزك ايه بدل ما يبقى ليكى ضوره اسمها صاحبه
ثالثا اهتمى بلبس جوزك جدا او خطيبك يعنى اهتمى بشكله اوى وقولى ليه ايه الحلو عليه وايه اللى يغيره بلاش تبقى صامته لا حسسيه انك مهتمه بيه
رابعا اهتمى باكله وبمواعيده شغله وخروجه ورجوعه اهتمى بكل تفاصيله بس مش تزوديها خليكى عاقله اعرفى امتى تشدى وامتى تسيبى الحبل
يعنى انتى وهوا عباره عن استك او خيط لو انتى شديتى وهوا شد هتخسروه بعض لكن لو حد شد والتانى مش شد هتعرفى تشديه ليكى
استخدمى عقلك اكتر من قلبك مع الراجل
خامسا بلاش تسمعى كلام فلانه وعلانه خليكى فى نفسك مش دى قالت ولا دى عملت لا خليكى شاطرة واضحكى عليه بمزاجه يعنى دلعيه هتخدى عينه
سادسا بلاش اسلوب الطمع يعنى الراجل ممكن يجيبلك كل اللى نفسك فيه من غير ما تطلبى بلاش طول الليل والنهار عايزاه عايزاه خليه هوا يفهم لوحده بمجرد ورقه بسيطه جمبه وعليها كلام حلو وفي اخيرها اطبعى عليها بوسه بالروج اللى بيحبه وشوفى ياقمر هيعمل ايه
سابعا وده الاهم بلاش تكلميه وهوا نايم الراجل مش بيكره فى حياته قد انه يكون نايم وتيجى تزنى جمبه يعنى وهوا نايم حاولى على قد الامكان تسبيه يرتاح وتقللى الصوت والحركه ولو انت مخطوبه بطلى زن على الفون واعرفى مواعيد نومه عشان مش تذهقيه وتوصليه انه يقف تليفونه منك
ثامنا حاولى مش تنسى اى مناسبه مهمه فى حياتكم حتى لو مش معاكى فلوس تعملى احتفال مجرد كلمه صغيره وهديه صغيره حتى لو كانت اكله بسيطه
تاسعا شجعيه على الخير يعنى خليه يصلى يعمل كل الخير عشان ربنا يخليه يحبك مش مجرد الحب المادى شجعيه يلا يا حبيبى قوم صلى انا مش عايزاك معايا فى الدنيا بس انا عايزاك معايا كمان فى الجنه ولا انت خلاص زهقت منى كلام بدلع كده
عاشرا بلاش لما تزعلى من جوزك او خطيبك تطلعى اسراره وتحكى لكل اللى حواليكى منظره من منظرك خليكى عاقله ازعلى بينك وبينه بس وبهدوء وبلاش الزعل الاوفر خلى زعلك معقول بمجرد كلمه تفوكى الا بس في مواقف معينه وطبعا معروفه
ياريت يا جماعه تفهموه الراجل قبل ما يحبوهم عشان مش تتشتكوه منهم بعد كده الراجل بطبعه صامت عشان مش لاقى اللى يفهمه على العكس انه متحدث جدا مع اصحابه ده بقى بيتوقف عليكى خليكى صاحبه وحبيبته فى نفس الوقت اللى يحكى معاها وعارف انها هتريحه
التعليق
يجب أنت تكون مسجل الدخول لتضيف تعليقاً.