طريقة عمل محاشي مشكلة

ازيكم يا حلوين يا رب تكونوا بخير جميعا ، النهارده هنتكلم مع بعض علي طريقة لعمل بعض المحاشي اللي بتفضلوها و اللي ما فيش غنا عنها ابدا في اي عزومة من العزومات و اللي ما فيش بيت من البيوت المصرية ما بيخلاش منة لازم يكون علي السفرة كده طبق محاشي مشكلة و له مركزة كده علي السفرة و كل واحدة بيميز اكلها المحشي بتاعها اللي بتعملة و الللي بتحضرة عشان كده لازم كل واحدة فيكم تكون بريمو في المحشي بالزات و لازم تعملي حسابك انك تبقي سريعة كمان عشان المحشي بياخد تحضيرات كتير و بياخد وقت طويل اوي علشان يجهز و يتحضر علشان كده بقولك اتدربي كويس علية عشان تبقي سريعه و انتي مش تقلقي مرة في التانية هتلاقي نفسك استاذه في عمايل المحشي بجميع انواعة و جميع اصنافة كمان و احنا هنعلمك هنا كل انواع المحاشي بتريكاتو كلها عشان مش تدوري هنا و هناك لا كلة موجود عندنا و كله هيعجبك , هنعملك محاشي مشكله بطرق سهلة و لذيذة و جميله و هتعجبك اوي و هتبقي حابة تجربيها و تعمليها بنفسك هنعملك محشي ورق العنب الجميل و اللذيذ و خصوصا احنا خلاص داخلين علي الصيف و الكل بيعملة و هنعملك محشي البتنجان سواء كان ابيض او اسود و هنعملك محشي الكوسة و اللي الكل بيموت فيها و هنعملك محشي ورق الكرنب و كل اللي تتمنية هتلاقية عندنا يالا انتي بس جهزي ورقة و قلمو جهزي نفسك و هتلاقي كلة موجود .

محشي ورق العنب 

محشي ورق العنب ده بقي من المحاشي الاخر شياكة و الجميله و اللذيذة جدا الكل بيحبها و الكل ديما بيطلبها و بيبقي عايز يعملها باستمرار و خصوصا كمان في العزومات لان شكلة بيبقي مميز علي السفرة و رصته الجميله كده و انتي حطاه بيبقي لذيذ و مزمز و تحفة ويالا بينا نقول المقادير .

المقادير

ورق عنب الكميه اللي تحبيها

رز

عصير طماطم

بصل مفروم

خضار للمحشي بقدونس و كزبرة و شبت

توابل ملح و كمون و فلفل اسود

سمنة و زيت

طريقة تحضير محشي ورق العنب 

• و اما عن طريقة التحضير يالا تابعي معايا  بتجيبي ورق العنب بتاعك طبعا تقطعي كل العيدان الموجودة عندك كلها و ترصصية فوق بعضة كده و بعدين تجيبي حله فيها ماية تسبيها علي النار تغلي و بعدين تحطي شوية زيت في الحله و ده مهم عشان لما تسلقي الورق الزيت يخليه متفرق عن بعضة كده و تسلكية من بعضة بكل سهولة و بعدها حطي بقي الورق و سبيه شوية و طلعية في ماية ساقعة  من الحنفية و هكذا افضلي كدا لحد ما تخلصي كل الكمية اللي عندك .
• نيجي بقي علي الخلطة هنجيب حلة نحطها علي النار بتسخن نحط فيها زيت و سمنة و بعدين نضيف البصل ياخدلة تشويحتين و نحط عليه عصير الطماطم و بعدين نسيبهم بقي مع بعض يتسبكوا حطي التوابل بتاعتك و ظبطي ملحها و سبيها لحد ما تتسبك خااااالص .
• نجيب بقي الخضار نغسلة كويس و بعدين نقطعة حتت صغيرة خالص كده و نجهزة و نركنة .
• وبعدين تجيبي بقي الرز تغسلية كويس و تجيبي بولة كبيرة تحطي الرز و عليها الطماطم بالبصل و عليهم الخضار و قلبي كويس و بعدين ابدأي بقي هاتي ورقة ورقة و احشي كويس و رصصي في الحلة و هحطلك صورة تساعدك في الحشو يالا ركزي معايا

و بعدين شربية بقي بالشوربة و مش تنسي تعصري علية لمونة و دي مهمة جدا هتخلي طعمة تحفة بجد .

محشي الباذنجان

محشي البتنجان برده من المحشيات اللذيذة و اللي هتحبيها و هتبقي عايزة تعمليها ديما ، و طبعا كلنا عارفين فوايد البتنجان و اللي اهمها انه مليان حديد ، يالا نشوف مع بعض المقادير بتاعة محشي البتنجان .

المقادير

بتنجان ابيض و اسود نقي البتنجان الحلو اللي بيلمع و يكون صغير و رفيع

عصير طماطم

بصل مفروم

رز

 طريقة عمل محاشي مشكلة

خضار مشكل

بهارات ملح و فلفل اسود و كمون

زيت و سمنة

طريقة عمل محشي البتنجان 

• و اما بقي عن الطريقة اللي تقدري بيها تعملي احلي محشي بتنجان هاتي البتنجان ، و قورية حلو كده و زبطية و انقعية في ماية بقي لحد ما تخلصي الخلطة
• نيجي بقي للخلطة بتاعة المحشي هتجيبي بقي البصل المفروم حطية علي النار و علية بص و سمنة و قلبيهم بقي شوية كده و بعدها انزلي عليهم بعصير الطماطم ، و بعدها قلبي و سييبيهم يتسبكوا كده و يبقوا حلوين و تروحي بقي تضيفي البهارات و الملح و ظبطيها .
• هاتي الخضار اغسلية حلو ة قطعية صغير خالص و اركنية و اغسلي بقي الرز .
• في بولة كبيرة حطي الرز و الخضار و الطماطم ام بصل علي بعض و قلبيهم كويس و ابدأي بقي احشي البتنجان ، و اعملي حسابك مش تملية اوي لان الرز بينفش و هيخرج في الحلة و شربية شوربة لحد نص البتنجان كده اية بقي لان البتنجان بيطلع ماية و هتلاقية بعد ما يغلي الشوربة زادت لوحدها .

محشي الكوسة و الفلفل 

الكوسة من الخضار اللي فية فيتامينات كتيرة جدا ، و اللي ولادك محتاجين ليها جدا ، و عشان كده لازم تعوديهم ياكلوها ، و احنا عارفين ان في اولاد كتير مش بيحبوا الكوسة المطبوخة عشان كده ممكن تحشيها ليهم و هتلاقيها بقت حلوة و مظبوطة و هيحبوها و ياكلوها، يالا نكتب المقادير .

المقادير

 كوسة مقورة 

فلفل

رز 

عصير طماطم

بصل مفروم

بهارات 

سمنة و زيت 

طريقة عمل محشي الكوسة 

طبعا هنجيب الكوسة و نقورها و مش نرمي القلب بتاعها عنيه علي جمب هنحتاجة , و بعدين تنقعيها في مية عشان نغسلها و هاتي الفلفل شيلي راسة و قلبة و اغسلية و نضفية كده و حضرية للحشو  و بعدها هاتي بقي الحاجات بتاعة الخلطة و يالا بينا نعمل الخلطة بتاعتنا يالا نجيب حلة و نحطها علي النار بسرعة  و بعدين تعملي ايه هاتي سمنة و زيت و حطي في الحله زي ما اتعودنا و بعدين حطي البصل يتشوح و عليه الطماطم اغسلي الرز و حطي الخطار و الرز و الطماطم و ابدأي بقي احشي احشي براحة و مش تطغطي اوي علي الكوسه عشان بتتكسر بسرعة طب هنعمل ايه بالقلب حطية في الصنية او في الحلة من تحت و رصي عليها الكوسه و احشي الفلفل و رصي معاها و بالف هنا مش تكتري الشوربة لان الكوسة و الفلفل فيهم ماية .