حلويات العيد بالصور والمقادير-حلويات العيد 2017 – حلويات العيد 2017 جديده
كل سنه وانتو طيبين واهلا بيكم من جديد فى مطبخ فتكات احنا دلوقتى بنستعد للعيد وزى ماانتو عارفين ياقمرات فى ناس كتير بتشترى حلويات العيد من المحلات لانها مش بتعرف تعملها فى البيت بس مع مطبخ فتكات الامر اختلف تماما لان الشيفه فتكات هتعملنا احلى الحلويات للعيد السنه دى ومش بس حلويات مصريه لا كمان مغربيه وتونسيه وكويتيه وسعوديه وجزائرية ولبنانية مع فتكات هنتعلم نعمل كل الحلويات يابنات وكمان خطوه بخطوه من اول المقادير وطريقة التحضير لحد طريقة التقديم نفسها وباروع الاشكال والانواع وكمان النكهات والروائح الطيبه انهارده عنوان موضوعنا حلويات العيد تعالو بقى معايا انا والشيفه فتكات نشوف هتقدملنا ايه النهارده
“البيتى فور “
البيتى فور من الحلويات الجميله ذات طعم رائع والجميع يحبها لصغر حجمها وكمان طعمها اللذيذ وخفيفه على المعده جدا تعالو معانو شوفو
“مقادير البيتى فور”
1- 3 كوب دقيق
2- 3 بيضات
3- كوب زبده
4- معلقة كبيره بكينج باودر
5- معلقة كبيره فانيليا
6- كاكاو او باودر شيكولاته
كده خلصت المقادير اللى هنحتاجها فى عمل البيتى فور تعالو بقى ياقمرات ركزو مع الشيفه فتكات خطوه بخطوه واتعلمو منها البيتى فور بيتعمل ازاى
“طريقة تحضير البيتى فور”
1- اول حاجه ياحلوين هنجيب البيض ونضيف عليه السكر الناعم ونقلبه جيدا بالشكل ده زى ماهيبان قدامك فى الصوره دلوقتى
2- وبعد ماضربنا السكر مع البيض جيدا هنضيف الدقيق بالشكل ده زى ماهتشوفوا اسفل بالصوره
3- وهنضيف دلوقتى ياقمرات الزبده ونضرب جيدا بمضرب البيض بالشكل ده كده زى ماهتشوفو اسفل الصوره
4- دلوقتى هنضيف البيكنج باودر والفانيليه ونقلب العجينه جيدا مده زى ماهتشوفوا دلوقتى
5- ودلوقتى ياحبوين هنفضل نقلب فى العجين لحد مانحصل على القوام المناسب كده زى ماهتشوفوا فى الصوره الجايه دى
6- دلوقتى هنقسم العجين نصفين ونضيف على نصف منه الكاكاو او الشيكولاته البودر بالشكل ده
7- وبكده خلصنا خلاص عجينة البيتيفور اللزيزه نصف شيكولاته ونصف ساده بالفانيليا ودلوقتى ياحلوين هنجيب ماكنة البيتيفور ونضيف ليها العجينه ونبتدى نشكلها كده زى ماهتشوفوا دلوقتى
8- خلى بالكم يابنات اللى معندهاش ماكينة البيتيفور تقدره تستخدمو القوالب دى عادى جدا وهتدينا نفس النتيجه
9- وبعد كده هندخل البيتيفور الفورن لمدة 15 دقيق وهتدينا النتيجه الرائعه دى يابنات هتشوفوها دلوقتى اسفل الصورة
بالهنا والشفا على احلى قمرات اللى متابعين الشيفه فتكات وكل سنه وانتو طيبين
التعليق
يجب أنت تكون مسجل الدخول لتضيف تعليقاً.