اوض اطفال مودرن 2017

اهلا بيكم مرة تانيه يا اجمل متابعين زي ما اتعودتوا اننا نجيب لكم كل حاجة جديدة و حديثة و زي ما اتعودتوا ان كل ما هو حصري يكون عندنا رجعنا لكم و معانا اجمل ديكورات و احلي تصميمات لاوض الاطفال كلنا عارفين ان كل عريس و عروسة مقبلين علي الزواج ديما بيبقي عندهم مشكلة اختيار العفش و شكل الاوض و الخشب و ياتري كل حاجة هتبقي عاملة ازاي و طبعا من بين الاوض اللي الكل بيسال عليها هي اوضة الاطفال الكل بقي يسال انه عايز اوضة تكون مختلفة تماما عن باقي الاوض و تكون مودرن و عصرية و كمان تعجب الاولاد في المستقبل الكل بيحاول يستغل المساحات اللي عندة و بيحاول يعمل العفش بيناسب المساحة وبيستغلها احسن استغلال عشان ما يحسش ان الاوضة مليانه فرش و خلاص و طبعا كل اب و ام كمان مستنيين نونو صغير كمان بيدوروا علي اشكال جديدة لاوض النوم الخاصة بالاطفال و الكل نفسة يعمل لاولادة حاجة مميزة و النهاردة احنا هنريحكم و هنساعدكم كلكم في الاختيار من بين مجموعة كبيرة جدا من الغرف المميزة اللي ان شاء الله تنال علي اعجابكم كلكم و تكون مميزة و طبعا احنا هنقدم اوض تناسب البنات و اوض تانية تناسب الاولاد و اوض تناسب البنات و الاولاد كمان حسب ما انتوا تحبوا اختاروا كلة موجود و بالالوان كمان و كله معمول حسابة علشان عيونكم يالا احتاري و اختاري من بين عشرين اوضة نوم متنوعة و مميزة .

 الغرفة الاولي : الغرفة دي مميزة جدا من شكلها كده تناسب البنات جدا هم ديما بيحبوا الالوان دي ما فيش شك في كده الاوضة عبارة عن سرير صغير مودرن  و دولاب جميل و معاة كومودينو و كمان مكتب صغير و بعض الارفف علي الحائط و كمان بعض الديكورات الجميله و المميزة اللي تخلي الاوضة تصلح لجميع الاعمار لحد الابتدائي كمان .

 الغرفة الثانية : الوانها مبهجهة و جميله و هي زي ما شايفينها بنوتي اووي فيها سرير جميل لونة رائع و صغير و مناسب لحجم الغرفة و كمان فيها دولاب صغير علي شكل فراشة كل البنات بتموت في الفراشات و بتحبها و كمان تسريحة انيقة جدا و شيك و مرايتها رائعة و مناسبة جدا و معاها كمودينو مميز جا اوضة رائعة و متكاملة .

  الغرفة الثالثة : غرفة بيميزها اللون الاحمر الجميل الرائع و هي عبارة عن سرير جميل لة ضهر مميز للغاية  و كمان معاها دولاب عليه فراشات بشكل رائع و لونها احمر مع اللون البمبي الفاتح بجد كوكتيل جامد و معاها مكتب و فوق المكتب مستغليين المساحة في عمل مكتبة رائعة جدا مكانها جميل جدا  و طبعا معاها كمودينو صغير .

 الغرفة الرابعة :غرفة للاولاد طبعا و بيميزها انها معموله من الحاجات اللي بيحبها الولاد جدا السرير علي شكل عربية جميله لونة ازرق جميل كمان معاه كمودينو و معاه مكتبة حلوة و صغيرة و مناسبة للاوضة جدا و انيقة .

 الغرفة الخامسة: الغرفة دي خاصة بالبنات جدا و مميزة و بيميزها وجود الخشب اللي فيها كله عبارة عن شكل كيتي المميزة اللي بيحبها البنات كلهم و اللي بيخليها اكتر راحة و محببة جدا بالنسبة الي الاطفال و الاوضه عبارة عن سرير و ضهرة علي شكل وش كيتي , و معاها تسريحة صغيرة و جميلة و المرايا بتاعتها علي شكل كيتي بردة و الدولاب فكرتة مميزة جدا و كمودينو صغير انيق .

 الغرفة السادسة : هي عبارة عن غرفة بناتي و الغرفة عبارة عن عربية بناتي جميلة جدا عليها فيونكات و لونها مميز و انيق و كمان فيها دولاب صغير و رائع و جميل و عليه رسومات مميزة و فيونكة بنفس الفيونكة اللي علي السرير و كمان الاوضة جميله فيها مكتب و معاه مكتبة مع المكتب و مستغل مساحة الاوضة بشكل جيد .

 الغرفة السابعة : بتتميز باللون الاصفر الموستردة و هي عبارة عن سريرين و كل سرير لة مساحة صغيرة و جمب بعض , و معاها مكتبين صغيرين بكرسين جمال حلوين , و فوقهم مكتبة صغيرة جدا و انيقة و شيك جدا و عصرية موديل مميز جدا .

 الغرفة الثامنة: و هي غرفة بالوان جميلة و عصرية جدا الغرفة مساحتها تم استغلالها بشكل جيد للغاية و الاوضة دي عبارة عن سريرين فوق بعض و لهم سلم جميل علشان الاولاد يستخدموة في الصعود للسرير للي فوق و كمان معاها دولاب مميز و انيق مستغل ركن الاوضه و بكدة مش واخد مساحة , و  الاوضة فيها مكتب صغير جميل و انيق و كمان المكتب كالعادة فوقة مكتبة.

 الغرفة التاسعة : غرفة جميله مميزة فيها سرير واحد واسع شوية و معاها دولاب مستغل ركن الاوضة مما بيزود مساحتها اكتر و طبعا كمودينو صغير انيق و معاها بشكل اساسي مكتب  و علية ارفف للكتب جنان و ديكورات الغرفة جميله .

 الغرفة العاشرة : فيها فكره جديدة و مميزة شكل السريرين كده افضل فيالاوض الطويله و اللي مساحتها كبيرة الشكا اللي فوق مناسب للاطفال, و معاها دولاب انيق و باقي الديكورات مميزة .

 الغرفة الحادية عشر : المميز فيها انها مأخوذه من فكرة الغابة و الحيوانات و حب الاطفال للحيوانات و فيها سرير واسع مريح و معاها مكتبة كبيرة مميزة وبعض الديكورات الاخري العصرية  طبعا السرير هنا كافي لطفلين و مميز جدا ليهم و ده للاولاد تكون غرفة او بنات فقط زي ما تحبي طبعا  و زي ما يناسبك .

 الغرفة الثانية عشر : الحاجة المميزة فيها انها تم وضع فيها مجموعة من العاب الاطفال اللي بيحبوها جدا و ده هيخلي كل لعبهم يبقي في اوضتهم و ده حاجة مميزة جدا الاوضة نظامها و ترتيبها جميل جدا و المراجيح مميزة فيها و بعيدة عن اي حاجة قابلة للكسر .

 الاوضه الثالثة عشر : اوضة بناتي جدا باللون المف الجميل السرير له شكل جديد الجزء العلوي منه ممكن يستغل في انه يتحط علية اي ديكورات تحبوها و اي ديكورات مميزة و جميلة و كمان المكاتب في الاوضة مناسبة و شاغلة حيز بسيط و ارفف الديكور اللي فوق مدية شكل راااائع .

 الغرفة الرابعة عشر : من شكلها غرفة ولادي جميلة التصميم بتاعها علي شكل عرية سباق اللي الاولاد بيحبوها جدا و معاها المودينو الخاص بيها و كمان معاها التسريحة و معاها مجموعة كبيرة من الديكورات المميزة اللي بيفضلها الاولاد و بيحبوها جدا .

 الغرفة الخامسة عشر : غرفة للاولاد مستوحاة من لعبة اسفلت بتاعة العربيات اللي بيحبها الاطفال جدا و من الكارتون المميز و كل تصميماتها من الكارتون بجد مميزة و هتعجب ابنك جدا لو عملتيهاله عيبها انها لها سن معين و لازم تتغير , بس هتعيش طفلك مرحلة طفولة جميلة و كدا كدا الاطفال بتحب التغيير ديما و بتحب الحاجات المميزة ديما ياريت تعملي لاولادك كل اللي بيحبوة و نفسهم فية .

 الغرفة السادسة عشر : غرفة بناتي لذيذة بسيطه عبارة عن سرير و دولاب نفس الرسومات و معاهم تسريحة صغيرة و كمان كمودينو صغير الاوضة بسيطة و جميله تناسب المساحات الصغيرة مريحة جدا للعين و مريحة جدا من حيث المساحة الضيقة الان الشغل فيها بسيط و طبعا تصميمها مش هيبقي صعب و هيتم بسهولة و يسر علي النجار اللي هيعملهالك عمولة طبعا .

 الغرفة السابعة عشر : غرفة من الادغال كل تصميمها من الغابة و الحيوانات و طبعا الحيطه تناسب التصميم جدا شكل السرير مختلف و فية لعبة كمان يفرح بيها الاولاد جدا غرفة جديدة و مميزة و مختلفة كل الاطفال بيحبوا الكارتون اللي فيه غابة و فية حيوانات زي ماوكلي و غيرة و في حيوانات ديما بيحبوها حاولي تعيشيهم جوة روح الادغال من تاني و عيشي معاهم اجمل اللحظات .

 الغرفة الثامنة عشر : غرفة للاولاد علي شكل سيارة السرير بردة و ده مخليها مميزة للاولاد جدا , و فيها ديكورات رائعه تصميم مميز و مش واخد مساحة كبيرة و كمان الاولاد بيحبوا الحاجات اللي بالشكل ده جربيها و هتبقي تغيير و جميلة و انيقة و مميزة جدا .

 الغرفة التاسعة عشر : غرفة بناتي عصرية جديدة و انيقة و مميزة جدا الغرفة فيها الكتير من الديكورات اللي بتحبها البنات السراير فوق بعض و مميزة و لهم سلم جميل و انيق ممكن الاطفال يطلعوا علية بشكل امن و جميل و مميز للغاية بدون خوف عليهم غير السلم التاني اللي كان موجود في السراير زمان .

 الغرفة العشرين : غرفة تستغليها في حالة المساحات الصغيرة و هي مميزة و انيقة جدا تقدري تعمليها بسهولة لاولادك عبارة عن سرير مميز جدا و كمان دولاب رائع و جميل و كمان معاة تسريحة شيك و انيقة و جميلة مش فيها شغل كتير يعني هتريحك و هتريح اولادك في كل حاجة و هتستغلي بيها مساحات الاوض الصغيرة اللي بقت موجودة دلوقت .