بالصور موسوعه لأشهر الاكلات السورية-صور مقبلات سورية-اكلات رمضانية سورية 2017
أهلا بيكم يابنات فى مطبخ فتكات وكل سنه وانتو طيبين بمناسبة الشهر الكريم رمضان كريم خلاص قرب يهل علينا بهلاله وبلياليه وفطاره وعزوماته وسحوره وبلمة العائلات مع بعض على موائد الإفطار الجميله اللى بيبقى فيها الاكلات باشكالها والوانها وانواعها وكمان حلوياتها الشيفه فتكات هتعلمنا احلى الاكلات مش بس الاكلات المصرية لا وكمان الاكلات السوريه والجزائريه و اللبنانية والسعوديه والكويتيه وباسهل الطرق واسرعها كمان خلى بالكو يابنات الشيفه فتكات هتعلمنا انهارده طريقة اكله سوريه جميله ولذيذه جدا تعالو معايا وشوفو فتكات هتقدملنا ايه النهارده
“أكلة سورية”
“الفتوش”
طبعا الفتوش اكله سوريه جميله وصحيه ومفيده وفيها خضراوات كتير وليها فوايد للجسم وفيتامينات طبعا الخضراوات بجميع انواعها مفيده لنا جميعا تعالو بقى يابنوتات ياحلوين معايا نشوف المقادير ايه
“مقادير الفتوش”
1-عدد باقة خس
2- خيار
3- طماطم
3- بصل
4- فلفل
5- عدد3 معالق رمان
6- باقة بقدونس
7- زيت زيتون
8- خل أحمر
9-توابل”ملح وفلفل اسود”
10- كوب عصير ليمون
11- خبز عربى “رغيف عيش”
وبكده ياحلوين جهزنا كل مقادير الفتوش الىى هنحتاجها فى تحضيره تعالو نشوف فتكات هتحضره ازاى بقى خطوه بخطوه وركزو كويس اوووووووووى
“طريقة تحضير الفتوش”
1- اول حاجه هنجيب الخبز ونحمصه فى الفرن على درجة حراره متوسطه هيدينا النتيجه دى زى ماانتو هتشوفو فى الصوره الجايه
2- بعد كده بقى يابنات ياحلوين هنجيب باقة البقدونس ونقطعها كده
3- زى ماشوفتو هنقطعه بالسكينه قطع صغيره هيدينا النتيجه دى زى ماهتشوفو اسفل بالصوره
4- كمان ياقمرات هنجيب الخس نقطعه قطع صغيره بالشكل ده
5-ودلوقتى بقى ياحلوين هنجيب الخيار نقطعه حلقات صغيره بالشكل ده
6-وكمان نجيب الفلف ونقطعه مكعبات صغيره بالشكل ده ياحلوين
7-ودلوقتى هنجيب البصل ونقطعه حلقات صغيره كده بقى ياقمرات
8- وهنقطع كمان الطماطم بالشكل ده
9- كده بقى يابنوتات هنجيب كل الخضراوات اللى احنا قطعناها وهنضيفها فى اناء فارغ كده
10-ودلوقتى بقى هنضيف عليهم التوابل الملح والفلفل الاسود المطحون والشطه وبعض التوابل الاخرى التى تفضلونها
هيبقى الخضراوات دلوقتى ياقمرات متبله بالشكل ده
11- هنضيف كمان زيت الزيتون على الخضراوات المتبله بالشكل ده
12- وكمان هنضيف عصير الليمون وتعالو اعرفكم عصير الليمون اللى هنستعمله عملناه ازاى هنجيب الليمون ونقطعه نصفان بالشكل ده
13- وبعد كده هنجيب عصارة الليمون اليدويه السريعه اللى اكيد فى بيوتنا كلنا دى
14- هنعصر الليمون فى الكوب بعصارة الليمون السريعه بالشكل ده
وبكده احنا عملنا عصير الليمون الطازج هنضيفه على الخضراوات
15-ودليوقتى هنجيب الخل الاحمر ونضيفه كمان على الخضراوات بالشكل ده
16- وبعد كده هنقلب الخضراوات جيدا بالشكل ده
17-دلوقتى بقى ياحلوين هنجيب الخبز اللى احنا حمصناه فى الفرن وكسره مكعبات صغيره ونضيفه على الخضراوات بالشكل ده
18-دلوقتى بقى هنجيب حبيبات الرمان الطازجه بالشكل ده
19-هنضيفها على خليط الخضراوات والخبز لنزين به الفتوش بالشكل ده
وبكده ياحلوين خلاص قدمنالكم احلى فتوش وبالهنا والشفا على قلوبكم
كانت معكم :فتاة مبتدا تحت التدريب
التعليق
يجب أنت تكون مسجل الدخول لتضيف تعليقاً.