اكلات للرجيم بمناسبة رمضان بالصور-اكلات متنوعه للريجيم فى رمضان-وصفة ريجيم سهلة وسريعه 2016- رجيم شهر رمضان
أهلا بيكم يابنات وفى مطبخ الشيفه فتكات انهارده موضوعنا مختلف خالص ان اى موضوع عرضناه عليكم قبل كده وهيعجبكم جدا طبعا فى بنات كتير قمورات بيعانو من زيادة الوزن ودى حاجه عامللهم ازاعج فظيع ومش عارفين يتصرفوا ازاى لدرجة ان مود حياتهم بيتغير بين لحظه والتانيه بسبب زيادة الوزن احب افرحكم يابنوتات واقولكم مع مطبخ فتكات الرائع هنقدملكم انهارده احلى اكلات الريجيم اللى انتو محتاجنها وهتنقص وزنكم بااسرع وقت وداعا لزيادة الوزن وكمان وداعا للكرش مع فتكات انهارده هنقدم لكم اكثر من وصفة اكل للريجيم والتخلص من الوزن الزائد تعالو بقى نشوف ونركز كده مع الشيفه فتكات ونتابع معاها خطوه بخطوه كل وصفه هتعلمهالنا انهاره بمقديرها وطريقة تحضيرها كمان ياقمرات
” تونه بالخضراوات”
احب اقولكم فوايد التونه قبل ما نشوف مقادير الوصفه ايه التونه مفيده جدا للجسم التونه غنية جدا يابنات بأحماض أوميجا-3 وتساعد على خفض مخاطر الإصابة بسرطان القولون والبروستاتا والكلى وايضا مصدر جيد لبعض المغذيات المضادة للأكسدة مثل السيلينوم وأوميجا وأيضاً النياسين والفوسفور والبوتاسيوم والماغنيسيوم والحديد بجانب أنها مصدر هام للبروتينات و دهونها صحية غير مشبعة تعمل على تحسين وظائف الأوعية الدموية وتحمي القلب من الأمراض وفوائد التونه للتخسيس هى منخفضة الكربوهيدرات وغنية بالبروتينات والتي يمكن أن تساهم في خفض وزن الجسم فى مده قصيره جدا ياحلوين احنا كده عرفنا فايدة التونه ايه لجسمنا تعالو بقى نشوف
“مقادير تونه بالخضراوات”
1-عدد علبة تونه
2- طماطم
3- خس
4- جزر
5-بصل
6- فلفل
7- ليمونه
8- ملح
“طريقة تحضير التونه بالخضراوات” او”سلطة التونه”
1-اول حاجه هنعملها يابنات ياحلوين هنجيب الطماطم نغسلها كويس جدا ونقطعها قطع صغيره بالشكل ده
2- ودلوقتى ياحلوين هنجيب الخس وننقعه الاول فى مايه وخل عشان نتاكد من انه اتغسل كويس جدا ونقطعه قطع صغيره بالسكينه بالشكل ده
3- وبعد كده هنجيب الفلفل ونغسله جيدا ونقطعه حلقات كده او قطع صغيره زى ماتحبو
4-وهنجيب الجزر نغسله كويس خلى بالكم يابنات الجزر بيبقى فيه رمله كتير لازم تتاكدى من انه اتغسل كويس وبعد كده تقطعهى القشره الخارجيه بتاعته وبعد كده تبشريه بالشكل ده
5- كمان نجيب البصل ونقشره ونغسله كويس اوى ونقطعه حلقات كده
6- بعد كده بقى ياحلوين هنجيب اناء فارغ ونضيف فيه كل الخضراوات اللى قطعناها دى بالشكل ده
7- وبعد كده بقى ياقمرات هنجيب علبة التونه ونفتحها بالشكل ده
8- هنضيف التونه على الخضراوات ونقلبها كويس بالشكل اللى هتشوفوا فى الصوره دلوقتى
9- هنضيف عليها بقى الملح والليمونه نعصرها على التونه ونقلبها كويس كده
10- وبعد كده هنبقى ياقمرات خلاص خلصنا سلطة التونه اللى مليانه خضراوات مفيده ولذيذه واللى هتخلصنا من اى وزن زايد مضايقنا ونقدر نقدم لكم طبق التونه بالخضراوات بالشكل الرائع ده من مطبخ فتكات
وبالهنا والشفا على قلوبكم يااحلى قمرات معانا
وتعالو بقى ياحلوين دلوقتى الشيفه فتكات هتعملنا اكله تانيه خفيفه ولذيذه للريجيم تعالو نشوف هتعمل ايه بالظبط
“الكبده المشوية”
الكبده المشويه اكله خفيفه وسريعه فى تحضيرها ومفيده جدا بها نسبة حديد وفيتامينات عاليه جدا وهى من الاكلات التى توفر للجسم مايحتاجه بدون زياده فى الوزن وتساعد على نقص الوزن ايضا لذلك تعد من الاكلات التى ينصح بها اى طبيب فى نظام الريجيم تعالو نشوف بقى فتكات هتعملها ازاى يابنات
“مقادير الكبده المشويه”
1-عدد كيلو كبده بقرى
2- بصل
3-ليمون
4- توابل
5- خل
“طريقة تحضير الكبده المشويه”
1- اول حاجه ياحلوين هنجيب الكبده ونقطعها شرائح صغيره كده
2-هنتبلها بقى هنضيف عليهاالخل ونعصر عليها الليمون ونضيف عليها التوابل الملح والفلفل الاسود المطحون توابل زعتر وشطه وهنجيب البصل ونبشره وناخد مايته بس نتبل بيها الكبده ونسيبها ساعه فى الثلاجه بالشكل ده
3- بعد كده هنجيب الشوايه عشان نشوى الكبده ويابنات اللى معندهاش شواية فى البيت تقدر تشوى الكبده فى طاسه فيها معلقة زيت وتدخلها الفرن وهيديها نفس النتيجه احنا دلوقتى جهزنا شوايتنا ورسينا عليها شرائح الكبده بالشكل ده
4- هنسيبها 15 دقيقه بالظبط على الشوايه ياحلوين مع التقليب عشان مفيش جزء يستوى وجزء لا خلى بالكم لو شويناها فى فرن البيت هتدينا النتيجه اللذيذه دى هتشوفوها دلوقتى اسفل الصورة
5- وبكده خلصنا شوى الكبده المتبله على الشوايه وهتدينا الشكل الرائع ده ونقدمها بيه زى ماانتو شايفين كده
وبكده قدمنالكم طبق الكبده المشوية من مطبخ فتكات وبالهنا والشفا على قلوبكم ياقمرات
كانت معكم : ندى
التعليق
يجب أنت تكون مسجل الدخول لتضيف تعليقاً.