طريقة تنظيف السجاد بالخل

.
25 مارس, 2017 10:20 م Sara
.

ديما كلنا في الايام اللي بنمر بيها دي و الغلا اللي بقي ماسك كل حاجة و اللي بقي مخلينا نتراجع عن شراء حاجات كتير كنا متعودين علي اننا بنشتريها و كنا ديما بنجيبها ديما بنحاول اننا نوفر و نقتصد في حاجات كتير و بنحاول نستخدم ابسط الاشبياء عشان تنفذ لنا حاجات كتير اعتادنا عليها و ديما اللي بيشغل بال كل ست بيت بشكل يومي و مش بيتوقف التفكير ابدا هو ازاي انضف البيت و ازاي اخلية بيبرق و ما اخليش فية حاجة مش نضيفة ازاي يبقي منظر بيتي منثق و جميل و لطيف و ديما ابقي مستعدة لاستقبال الضيوف ديما يبقي عندي استعداد استقبل اي ضيوف في اي وقت و اشوف اي حد و بيتي يكون منثق و جميل و مع الغلا ده ما بقاش مناسب اننا نشتري حاجات كتير تستخدم للنضافة و ما مبقاش في امكانية اننا ندور علي منظفات غالية عشان نوصل لمستوي النضافة اللي بنحلم بية و اللي بندور علية طيب ايه الحل عشان نقدر ننضف و كمان ما نستهلكش فلوس كتير الحل اننا نشوف بدايل رخيصة للمنظفات الغالية اللي كنا بنشتريها و نحاول اننا نستخدمها بدل الغالية , و ده هيوفر لنا كتير من المصاريف الرايحة علي المنظفات دي , اكتر حاجة بتتعب ست البيت في نضافتها هي السجاجيد ديما بتاخد غلبة كبيرة و ديما عايزة منظفات عشان تقدري تنضفيها بيها و حاجات كتير بتيجي في بالك لما تيجي سيرة نضافة السجاجيد عشان كده هنحاول اننا نساعدك مهو مش هنسيبك كده لا هنحاول نساعدك في الوصول لاعلي نضافة و احسن تعقيم للسجاجيد باستخدام بعض الحاجات المتوفرة عندنا في البيت و مش السجاجيد بس و هنديكي افكار تانيه لنضافة و تلميع حاجات تانيه في البيت و بكل سهولة و بدون اي مشاكل  هتواجهك طبعا يالا اكتبي و سجلي معانا بعض الطرق اللي هنستخدم فيها الخل عشان تقدري تنضفي السجاجيد و كمان عشان تقدري تنضفي حاجات كتيرة في البيت و تخليها جميله ومنسقة و بتلمع يالا بينا مع بعض نشوف هنعمل ايه .

استخدام الخل مع الماء لتنظيف السجاجيد 

  • طريقة تنظيف السجاد بالخل

    طريقة تنظيف السجاد بالخل

    الطريقة الاولي لاستخدام الخل في نظافة السجاجيد 

    الاول الخل من المواد الرائعة جدا في القضاء علي البقع و علي الدهون و كمان له استخدامات كتيييرة اوووي و جميله جدا ده غير النضافة انه كمان بيقضي علي الزفارة الموجوده في اي لحوم او دواجن او اي اسماك يعني لا غني عنه في البيت كل ست فينا لازم الخل يبقي موجود في بيتها علطول لان له استخدامات مهووولة جدا و من بين الاستخدامات تالكتير اللي بيقدر الخل يقوم بيها رائع جدا جدا في التعقيم و في التطهير و ازالة البقع جربية هتلاقية هيفرق كتير طب اعمل ايه عشان اشيل البقع من السجاجيد باستخدام الخل اقولك انا بقي عندنا طريقتين هنقولهم واحده واحدة خلينا في اول طريقة يالا مع بعض كده الخل بقي بتاعنا هتعايري منه مقدار اللي تحبية حسب اتلبقع الموجوده عندك في السجاده قد ايه و طبعا بقي هتجيبي قد المقدار ده ماية يعني ماية و خل و بعدين بقي يا شطورة يا حلوة انتي تجبيلنا بقي بخاخة و تحطي فيها الخليط الحلو الجميل ده و يالا بينا علي السجاده اللي مغلباكي و مطلعة عينك دي رشي من البخاخة علي البقع اللي علي السجاجيد كلها يالا رشي و بعد كده تسبيهم عشر دقايق طيب كده خلصنا لا طبعا لسه مش خلصنا هاتي بقي فوطه حلوة كده و مبلولة ماية و يالا تعالي روحي امشي تاني علي البقع اللي احنا رشيناها دي و ادعكي ايون ادعكي بالفوطة دي و شوفي بقي النضافة و الحلاوة و الجمال و سيبي السجادة بعد كده تتهوي شويه عشان مش تكمكم و تبوظ .

    الطريقة الثانية لغسل السجاجيد بالخل

    طيب الطريقة الثانية احنا هنا هنستخدم حاجة زيادة معانا و هي جهاز تنضيف السجاجيد بالبخار و معاه الخل بردة طب ازاي اقولك انا هاتي برده مقدار من الخل زي ما تحبي حسب البقع و هتحطي المرادي كمية من الماء عشر اضعاف الخل , و هتعملي ايه هتحطي بقي المزيج ده كله في بخاخة و هتحطي علي البقع اللي عندك كلها امشي عليها و بخي بالبخاخة دي , و بعدين هتجيبي جهاز البخار اللي اتفقنا علية و هتمشي علي البقع هتلاقية نضفها بكل سهولة و يسر و من غير اي مشاكل ابدا ابدا , و المرادي الجهاز هيجفف الماية و مش هتحتاجي بقي انك تسبيها تجف و لا اي كلام من ده يالا جربي بقي و ارتاحي من الدعك و الهم الكتير .

     غسيل السجاجيد باستخدام الخل و الامونيا 

    الامونيا من المواد اللي بتنضف البقع الصعب عليكي ازالتها لو سجاجيدك فيها بقع صعبة و مش عارفة تنضفيها ازاي استخدمي الطريقة دي هتكون مناسبة اوووي معاكي و هتريحك كمان في التنضيف , طب هتعملي ايه بقي هتجيبي امونيا تحطي عليها شويه ماية طب و بعدين هاتي بقي فرشة من بتوع الاسنان القدام اللي مش بقي ليها اي استخدام عندك , طب و بعدين هاتي بقي الفرشة بليها في الامونيا و بعدين ادعكي بيها البقع الموجوده عندك في السجاجيد لحد ما تخلصي عليهم و بعدين هاتي بقي الماية و الخل و اخلطيهم علي بعض في طبق و هتجيبي فوطة و تبليها من الماية ام خل دي و تمسحي كل البقع واحده واحده لحد ما تخلصي عليهم كلهم و بعدين تجيبي فوطة ناشفة و تنشفي بقي الماية اللي علي االسجاجيد و تسبيهم يتهووا و خلاص كده تمام .

     استخدامات متعددة للخل 

    و دلوقتي هقولك علي شوية استخدامات للخل جميله جدا تقدري  تنضفي بية حاجات متعددة عندك في البيت من غير تعب و هو جيد جدا في الاستخدامات المتعددة و اللي بتحتاج منك مجهود كبير عشان تنضفيها طيب زي ايه بقي الاستخدامات دي يالا مع بعض نشوف .

    استخدام الخل في ازالة الاملاح المترسبة في الاواني 

    ديما البراد بتاعك اللي بتغلي فية ماية او الغلاية بتاعة الماية و لو كنتي من النوع اللي بيحب غلي مياة الشرب هتلاحظي ان الاملاح بتترسب في الاواني بتاعتك و الحلل و مش عارفة ازاي تنضفيها و بتدعكيها كتير من غير امل استخدمي الخل و هو هيقضي عليها تماما ب الريقة ايه اقولك انا هاتي الحلل اللي مترسب فيها الملح ده و املي نصها بالخل و النص تاني فيها بالماية و بسرعة حطيها علي النار لحد ما تغلي هتلاقي الخل مع الغليان بيتفاعل مع الاملاح دي وبيشيلها و بعد كده سبيهم يغلوا مع بعض لمد\ه عشر دقايق , و بعد كده فضي الحلل من الخل و الماية و اغسليهم كويس بالماية العادية و لو لسه فيهم املاح ادعكيهم هتلاقيهم نضفوا و بقوا فلة و بيلمعوا من جديد و لا كأن كان فيهم حاجة خالص .

    طريقة تنظيف السجاد بالخل

    طريقة تنظيف السجاد بالخل

    استخدام الخل في تلميع الزجاج و المرايات 

    من الحاجات اليومية اللي بتعمليها و بتحتاسي فيها هي تلميع الزجتج اللي عندك سواء كان نيش بقي ازاز الشبابيك اي حاجة من الحاجات دي , و كمان بتحتاجي تلمعي كل المرايات الموجوده عندك طب و الحل ايه عشان تساعدي نفسك الحل هو الخل هاتي بخاخة فيها خليط من الماية و الخل و رشي بها الحاجة اللي عايزة تلمعيها و بعدين امسحي بفوطة نضيفة هتلاقية نضفها و خلاها جميله , كمان سطح المطبخ الرخامه بتاعة المطبخ هينضفها و يخليها جميله بردة و من غير اي حوسة و لا دعك و لا غيرة .

    طريقة تنظيف السجاد بالخل

    طريقة تنظيف السجاد بالخل

    استخدام الخل في تنظيف المايكروويف

    نضافة الميكروويف من الحاجات اللي بتبقي صعبة عليكي و اللي مش بتعرفي تنضفية من جوة ازاي ولا تعملي ايه عشان تهتمي بيه بس احنا النهارده جايبينلك طريقة سهلة و سريعة وبسيطة اوي هتعجبك و هتنضفي الميكروويف بتاعك من غير اي تعب و من غير اي مجهود زايد طب العمل ايه هاتي طبق حطي فية ماية بخل حطيه في الميكروويف سبية لحد ما يغلي جوة بقي و بعدين اطفي و سبيه جوة لمده عشر دقايق كده عشان البخار بتاعة يطلع علي الدهون و ينضف كل ده و بعدين هاتي فوطة نضيفة و انزلي عليه مسح بقي و هتلاقية بقي ينور و نضيف و متعقم و جميل و لا اسهل من كده جربي و التجربة تحكم ما بينا .

    طريقة تنظيف السجاد بالخل

    طريقة تنظيف السجاد بالخل

    استخدام الخل في نظافة الغسالات و الملابس ايضا

    الخل له استخدام مهم جدا في نضافة الملابس و كمان في نضافة الغسالة و كمان ده هيخليها بتبرق و جميله الاول تعالي نبدأ بالهدوم الخل لو حطتية في الغساله مع الهدوم هينضفها و هيطهرها كمان و ده هيكون افضل لو غسلتي بيه او ضفتية للغسيل الخاص بالاطفال عشان يطهرة و هيبقي اامن عليهم من الكلور كتير و ده لانه خالي من المواد الكيماوية, كمان تقدري تنضفي بية غسالتك من فترة للتانيه بانك تعمليلها دورة خل هتحطي مكان ارفف المسحوق و المعطر خل و شغلي الغساله علي دورة لمده ربع ساعة و لا حاجة و بعدها هي هتغسل و شوفي بقي الغسالة هتبقي نضيفة و جميله و مش فيها اي رواسب من الهدوم و غيرة .

     

    طريقة تنظيف السجاد بالخل

    طريقة تنظيف السجاد بالخل